Այս տարվա 6 ամսում ավտովթարներից զոհերի թիվն աճել է 18-ով, հանցագործությունների բացահայտման տոկոսը 41-ից դարձել է 60. Արմեն Ղուկասյան
Այս տարվա առաջին կիսամյակում 377-ով աճել են ճանապարհատրանսպորտային պատահարները՝ 1711-ից դառնալով 2088: Այս մասին, այսօր՝ հուլիսի 24-ին, լրագրողների հետ հանդիպման ժամանակ նշել է Ոստիկանության շտաբի պետ Արմեն Ղուկասյանը:
«Դրա հետեւանքով զոհվել է 156 (2008-ին՝ 138), վիրավորվել՝ 3021 (նախորդ տարի՝ 2517) քաղաքացի:
Ոստիկանությունում աշխատանքներ են տարվում նոր շարժական պարեկային ծառայության, ինչպես նաեւ բալային համակարգի ներդրման ուղղությամբ, որի վերաբերյալ օրենսդրական փաթեթն արդեն ԱԺ-ում է»,-ընդգծեց նա:
Ոստիկանության շտաբի պետ Արմեն Ղուկասյանն անդրադարձավ հանցագործությունների բացահայտման տոկոսին, համեմատելով հունվար ամսի ցուցանիշը և հուլիս ամսվանը:
Այսպես՝ այս տարվա հունվարին հանցագործությունների բացահայտման տոկոսը եղել է 41, իսկ արդեն հունիսին այն հասել է 60,1 տոկոսի:
Արմեն Ղուկասյանի խոսքով՝, սպանությունների գծով բացահայտման տոկոսը 73,9 է, սպանության փորձերով՝ 78,1, դիտավորությամբ առողջությանը վնաս պատճառելու դեպքերով՝ 86,3 տոկոս, բռնաբարության և բռնաբարության փորձերով բացահայտման տոկոսը 66,7 է, ճանապարհային կանոնների խախտման դեպքերով՝ 81,5 տոկոս, ավազակության դեպքերով՝ 87,7 տոկոս:
«Փոխարենը ցածր է գողությունների դեպքերով բացահայտման ցուցնաիշը, որը կազմում է 45,5 տոկոս, այդ թվում բնակարանային գողությունները՝ 24,4 տոկոս»,-ընդգծեց նա:
Հետևապես կարելի է ասել, որ 2019 թվականի առաջին կիսամյակում հանցագործությունների աճի տեմպը կրճատվել է շուրջ 4 անգամ. եթե տարեսկզբին ունեցել ենք նախորդ տարվա նույն ժամանակահատվածի համեմատ հանցագործությունների 35,3 տոկոսի աճ, ապա այժմ հանցագործությունների աճի տեմպը նվազել է մինչև 9 տոկոս:
Ա. Ղուկասյանի խոսքով՝ հաշվետու ժամանակահատվածում առանձնապես ծանր հանցագործությունների թիվն աճել է 35-ով՝ 99-ից դառնալով 134, ինչը պայմանավորված է առանձնապես խոշոր չափերի թմրամիջոցների մաքսանենգության դեպքերի աճով. «Հիմա հսկողությունը խստացել է եւ մենք հենց սահմանին հայտնաբերում ենք նման դեպքերը:
253-ով կամ 16,2 տոկոսով աճել է նաեւ ծանր հանցագործությունների թիվը, որը պայմանավորված է կաշառքի եւ բնակարային գողությունների թվի աճով:
Աճել է սպանության եւ սպանության փորձերի թիվը 33-ից դառնալով 41, ավազատության դեպքերը՝ 24-ից դառնալով 46, խարդախության՝ 563-ից դառնալով 611, տրանսպորտային միջոց փախցնելու դեպքերը 29-ից դարձել են 36»;ասաց Արմեն Ղուկասյանը:
Նա նաեւ հավելեց, որ նվազել են դիտավորությամբ առողջությանը վնաս պատճառելու դեպքերը՝ 542-ից դառնալով 471, սեռական անձեռնմխելիության դեմ ուղղված դեպքերը՝ 52-ի դարձել են 44, այդ թվում բռնաբարության եւ բռնաբարության փորձի դեպքերը՝ 14-ից դարձել է 8:
«Դրական կարելի է համարել այն հանգամանքը, որ հանցագործությունների հիմնական զանգվածը մարդու դեմ ուղղված հանցագործությունների մասնաբաժինը 21,6 տոկոսից դարձել է 16,4 տոկոս: Այն տեղափոխվել է սեփականության դեմ ուղղված հանցագործությունների մասնաբաժին՝ 44,4 տոկոսից դառնալով 51,2 տոկոս:
Այսինքն ընդհանուր հանցագործությունների կեսից ավելին սեփականության դեմ ուղղված հանցագործություններն են. «Կոպիտ ասած՝ ավելի լավ է գողանան, քան սպանեն»,-ընդգծեց ոստիկանության շտաբի պետը: