Պոմպեոն հուսով է, որ Վաշինգտոնն ու Փհենյանը հնարամտություն կցուցաբերեն
ԱՄՆ պետքարտուղար Մայք Պոմպեոն հուսով է, որ Վաշինգտոնն ու Փհենյանը հնարամտություն կցուցաբերեն եւ կվերսկսեն բանակցությունները՝ ուղղված միջուկային զենք ստեղծելու հարցով Փհենյանի ծրագրի դադարեցմանը, հաղորդում է «Ամերիկայի ձայն»-ը:
Ընդ որում, Պոմպեոն չի հայտնել, թե երբ կվերսկսվեն բանակցությունները: Հունիսի վերջին նա հայտնել էր, որ, հնարավոր է, հուլիսին կամ մոտակա 2-3 շաբաթների ընթացքում:
«Հուսով եմ՝ հյուսիսկորեական կողմը բանակցությունների սեղանի շուրջ կնստի գաղափարներով: Հուսով եմ, որ մենք նաեւ կկարողանանք հնարամտություն ցուցաբերել: Նախագահի դիրքորոշումն անփոփոխ է. Հյուսիսային Կորեան պետք է վերջնական ապամիջուկայնացնի թերակղզին: Դա է այդ բանակցությունների խնդիրը»,- ասել է Պոմպեոն: