Դե Յոնգը «Բարսելոնայում» վերցրել է Ալենյայի համարը
Իսպանիայի չեմպիոն «Բարսելոնայի» նորեկ Ֆրենկի Դե Յոնգը կատալոնական թիմում հանդես կգա 21 համարի խաղաշապիկով։ Այս համարով նախկինում խաղում էր Կարլես Ալենյանը, որը ստացել է 19 համարը։
Ամստերդամի «Այաքսի» խաղացողի հետ պայմանագիրը կատալոնական ակումբը կնքել էր դեռ հունվարին, սակայն մրցաշրջանի երկրորդ հատվածը եւս Դե Յոնգն անցկացրեց «Այաքսում»։
22-ամյա ֆուտբոլիստի համար «Բարսելոնա» վճարել է 75 միլիոն եվրո: Այդ գումարը կարող է ավելանալ եւս 11 միլիոնով, եթե ֆուտբոլիստը ցուցադրի արդյունավետ խաղ եւ մրցանակներ նվաճի: