ՀՀ փոքր օդանավակայանները շատ վատ վիճակում են, փոքր ավիացիայի ոլորտում փող չկա. Քաղավիացիայի կոմիտեի ղեկավար
Երբ ես նշանակվեցի, ինձ մոտ հարց ծագեց, թե 30 տարի մենք ասում ենք, որ փոքր ավիացիա ենք զարգացնում, ինչու այն չի զարգանում: Այս մասին, այսօր՝ հուլիսի 15-ին, լրագրողների հետ հանդիպման ժամանակ նշեց Քաղաքացիական ավիացիայի կոմիտեի նախագահ Տաթևիկ Ռևազյանը:
«Հետո պարզվեց, որ հենց մեր ներսում այնքան էլ մեծ մոտիվացիա չկար այդ ոլորտը զարգացնելու համար, որովհետեւ փոքր օդանավով թռչելն ավելի վտանգավոր է, քան մեծ օդանավով թռչելը: Ավելի լավ է այս թեման փակված պահել: Բայց պետք է բալանսը պահել, որ եւ թռիչքների անվտանգությունը պահպանենք, բմիաժամանակ այնպես չանենք, որ ոլորտն ընդհանրապես չզարգանա»,-ասաց նա:
Ռեւազյանը խոսքով, այս ոլորտում փող չկա, մարդը չի գա փոքր ավիացիա զարգացնելու, որովհետեւ ուզում է մեծ փողեր աշխատել. «Այստեղ մարդիկ պետք է լինեն, որոնք սիրում են Հայաստանը, սիրում են ավիացիան։ Նշեմ, որ արդեն երկու հոգի կա, որոնք գրանցել են իրենց օդանավերը։ Մենք կանգնած ենք այն մարդկանց կողքին, որոնք կցանկանան զարգացնել այս ոլորտը»:
Վերջինս նաև նշեց, որ Հայաստանի փոքր օդանավակայանները շատ վատ վիճակում են. «Գյումրին էլավ վիճակում, «Զվարթնոցը», «Էրեբունին»: Կապանը կբացվի այս տարի, մեզ այդպես են տեղեկացրել, բայց մնացած օդանավակայանները շատ վատ վիճակում են: Ներդրում է պետք անել, որ վազքուղին հասնի այն մակարդակի, որ անվտանգ լինեն թռիչքները»:
Հիշեցնենք, ավելի վաղ Operativ լրատվականը հաղորդել էր, որ լրագրողների հետ հանդիպման ժամանակ Տաթևիկ Ռևազյանը հատկանշական էր համարել, որ Հայաստանում գրեթե բոլոր ուղղություններով չվերթները շատացել են. նոր ուղղություններ են բացել :
Բացի այդ նա խոսել էր նաև այն մասին, թե ինչի է հանգեցրել իր՝ շատ ճամփորդելը:
Նա նաև անդրադարձել էր «Սիրուն աղջիկ»՝ իր մասին արված արտահայտությանը:
Operativ լրատվականը ուղիղ հեռարձակմամբ հաղորդում էր նաև Տաթևիկ Ռևազյանի մամուլի ասուլիսը, որի ընթացքում նա ամփոփում էր պաշտոնավարման մեկ տարին: