Թբիլիսիում «Ռութավի 2»-ի շենքի դիմաց բողոքի ակցիա է ընթանում

Թբիլիսիում «Ռութավի 2» հեռուստաընկերության շենքի դիմաց բողոքի ակցիա է ընթանում: Շենքի դիմաց մի քանի հարյուր մարդ է հավաքվել: Նրանք պահանջում են, որպեսզի հեռուստաընկերությունն աշխատանքից ազատի հաղորդավար Գեորգի Գաբունիային եւ գործադիր տնօրեն Նիկա Գվարամիային, հաղորդում է «Նովոստի Գրուզիա»-ն:

Տեղում աշխատում է ոստիկանությունը, տարածքի բոլոր մուտքերն ու ելքերը շրջափակված են ցույցի մասնակիցներից կողմից:

Մասնակիցների եւ հեռուստաընկերության նկարահանող խմբի միջեւ արդեն լեզվակռիվ է տեղի ունեցել: Ակցիայի մասնակիցները նշում են, որ ակցիան խաղաղ բնույթ է կրում: Միեւնույն ժամանակ, նրանք չեն բացառում, որ ակիցային կարող են սադրիչներ լինել, որոնք կփորձեն ներխուժել հեռուստաընկերության շենք: Այդ կապակցությամբ նրանք հավաքվածներին կոչ են արել կարգուկանոն պահպանել:

Հիշեցնենք, որ Հիշեցնենք, որ կիրակի երեկոյան հեռուստահաղորդավար Գեորգի Գաբունիան «Ռուսթավի 2»-ում իր «P.S.» հեղինակային ծրագիրը սկսել էր ՌԴ նախագահ Վլադիմիր Պուտինին ուղղված հայհոյանքով: Վրաստանում համացանցի ահռելի թվով օգտատերեր դատապարտել են Գաբունիային եւ մտավախություն հայտնել, որ վրաց-ռուսական հարաբերությունները կարող են է՛լ ավելի սրվել: Հեռուստաընկերության գլխավոր տնօրեն Նիկա Գվարամիան հայտարարել է, որ ուղիղ եթերում հայհոյանքն անընդունելի է համարում, չնայած եւ համաձայն է հեռուստահաղորդավարի դիրքորոշմանը: Գաբունիայի ելույթը դատապարտել են Վրաստանի նախագահն ու վարչապետը, երկրի ԱԳՆ-ն լրագրողի ելույթը գնահատել է որպես երկրների հարաբերություններում լարվածությոն մտցնելու փորձ:

Ավելի վաղ հայտնի է դարձել, որ հեռուստաընկերությունը որոշել է 2 ամսով աշխատանքից ազատել Գաբունիային: Միեւնույն ժամանակ, ակցիայի մասնակիցները նշում են, որ դա ոչ բավարար միջոց է: Նրանց խոսքով՝ հեռուստաընկերության ղեկավարությունը փորձում է խաբել հանրությանը: Ակցիայի մասնակիցները հայտարարում են, որ չեն ցրվի, քանի դեռ նրանց պահանջները չեն իրականացվել: