Բիլ Գեյթսը պատմել է Սթիվ Ջոբսի «կախարդանքների» մասին, որոնք փրկել են Apple ընկերությունը

Apple ամերիկյան ընկերությունը հաջողության է հասել մեծամասամբ դրա հանգուցյալ հիմնադիր Սթիվ Ջոբսի «կախարդանքների» շնորհիվ: Այդ մասին CNN հեռուստաալիքի եթերում հայտարարել է Microsoft-ի համահիմնադիր Բիլ Գեյթսը, հաղորդում է Լենտա.Ռու-ն՝ հղում անելով Bloomberg-ին:

Նրա խոսքով՝ Ջոբսը դրանց օգնությամբ կարող էր ցանկացած կործանվող ընկերությունը դարձնել ամենաթանկն աշխարհում: Ընդ որում՝ Գեյթսն ինքն իրեն անվանել է կրտսեր մոգ: «Ես կարծես կրտսեր մոգ էի, քանի որ նա կարդում էր այդ կախարդական խոսքերը, եւ ես տեսնում էի, որ մարդիկ հիացած էին: Սակայն, քանի որ ես մանր մոգ եմ, ինձ վրա կախարդական խոսքերը չեն ազդում»,-ասել է նա:

Ավելին, Գեյթսը, որի ընկերությունը երկար տարիներ մրցակցում է Apple-ի հետ, հայտարարել է, որ չի հանդիպել կյանքում Սթիվ Ջոբսի պես տաղանդավոր եւ մոտիվացված մարդկանց: Որպես օրինակ՝ նա հիշեցրել է 1980-ակաների վերջը, երբ NeXT ընկերությունը, որն այդ ժամանակ ղեկավարում էր Ջոբսը, մեկ տարվա ընթացքում չէր կարողացել վաճառել ոչ մի համակարգիչ: Չնայած դրան՝ գործարարն, այնուամենայնիվ, շարունակեց իր

Սթիվ Ջոբսը հիմնադրել էր Apple ընկերությունն իր ընկեր Սթիվ Վոզնյակի հետ 1976 թվականին: Apple II անունը կրող ընկերության համակարգիչը թողարկվել էր միլիոնավոր քանակներով եւ դարձել էր աշխարհում առաջին անձնական համակարգիչը բնակչության լայն շերտերի համար: 1985 թվականին Ջոբսը ստիպված էր հեռանալ Apple-ից ներդրողների հետ տարաձայնությունների պատճառով, որից հետո հիմնել էր NeXT ընկերությունը, ինչպես նաեւ սկսել էր զբաղվել Pixar-ում համակարգչային գրաֆիկայով մուլտիպլիկացիոն ֆիլմերի զարգացմամբ: 1997-ին վերադառնալով CEO-ի պաշտոնին՝ Սթիվն արագորեն վերակենդանացրեց Apple-ն ու սկսեց ստեղծել սկզբունքորեն նոր ապրանքներ: 2007 թվականին ներկայացված iPhone-ը լիովին փոխեց ոլորտն ու դարձրեց Apple-ը որպես աշխարհում ամենաթանկ ընկերությունը: Սթիվ Ջոբսը մահացել է 2011 թվականին ենթաստամոքսային գեղձի քաղցկեղից: