Վրաստանում տեղի ունեցած վթարի հետևանքով վիրավորված ՀՀ քաղաքացիների մեկի վիճակը ծայրահեղ ծանր է
ԱԻՆ լրատվական ծառայությունը մանրամասներ է հաղորդում Վրաստանում տեղի ունեցած ավտովթարի մասին, ինչի հետևանքով զոհվել ու վիրավորվել են ՀՀ քաղաքացիներ։
Ավելի վաղ Operativ լրատվականը, հղում կատարչելով Shamshyan.com կայքին, տեղեկացրել էր, որ հուլիսի 7-ին, ժամը 08:10-ին Վրաստանի ՆԳՆ ԱԻ դեպարտամենտից տեղեկություն է ստացվել, որ ժամը 06։00-ի սահմաններում Թբիլիսի-Սենակ-Լեսելիձե ավտոճանապարհի 100-րդ կմ-ին «Mercedes» մակնիշի ավտոմեքենան բախվել է արգելապատնեշին և բռնկվել։
Ավտոմեքենայից դուրս հայտնաբերվել են քաղաքացիների դիերը, իսկ տուժածները հոսպիտալացվել են Քարելիի ԲԿ։ Զոհերն ու տուժածները ՀՀ քաղաքացիներ են:
Զոհվել է ՀՀ երեք քաղաքացի, տուժել՝ հինգը: Տուժածներից մեկին տեղափոխել են Գորի քաղաքի ԲԿ, որտեղ բժիշկները նրա առողջական վիճակը գնահատել են ծանր, իսկ մյուսներին՝ Թբիլիսի քաղաքի ԲԿ, որտեղ նրանցից մեկի վիճակը գնահատվել է ծայրահեղ ծանր, մյուսներինը՝ միջին ծանրության: