Պուտինը նշել է Կիևի հետ երկխոսության պայմանները

Մոսկվայի և Կիևի երկխոսությունը՝ որպես Ռուսաստանի և Ուկրաինայի հարաբերությունների բարելավում, հնարավոր է, եթե հանրապետության նախագահ Վլադիմիր Զելենսկին կատարի նախընտրական խոստումները եւ սկսի խոսել Դոնբասի հայրենակիցների հետ։ Այս մասին ՌԴ նախագահ Վլադիմիր Պուտինն ասել է հինգշաբթի՝ Իտալիա այցի նախօրեին, Corriere della Sera թերթում հրապարակված հարցազրույցում, տեղեկացնում է ՏԱՍՍ-ը։

«Կիևի հետ կառուցողական երկխոսությունը հնարավոր է, եթե Զելենսկին սկսի կատարել իր նախընտրական խոստումները, այդ թվում ուղիղ կապի մեջ մտնի Դոնբասի համաքաղաքացիների հետ, դադարի նրանց անվանել անջատողականներ։ Եթե ուկրաինական իշխանությունները կատարեն մինսկյան համաձայնագրերը և ոչ թե անտեսեն դրանք»,- ասել է Պուտինը։

ՌԴ նախագահն ավելացրել է, որ «Ուկրաինայի քաղաքացիները Զելենսկուց ու նրա թիմից սպասում են ոչ թե հռչակագրեր, այլ իրական գործողություններ, դեպի լավը արագ փոփոխություններ»։

Պուտինը նշել է, որ նոր ուկրաինական իշխանությունները պետք է լուծեն այն խնդիրները, որոնք մնացել են երկրի նախկին իշխանություններից։

«Բռնի ուկրաինացումը, Ուկրաինայի միլիոնավոր քաղաքացիներին մայրենի լեզվի՝ ռուսերենի օգտագործումն արգելելը, ներառյալ դրանով դասավանդումը բուհերում և դրոցներում, նեոնացիզմի կամայականությունը, քաղաքացիական կոնֆլիկտը երկրի հարավ-արևելքում, նախկին իշխանությունների փորձերը՝ փլուզել միջդավանական փուխր խաղաղությունը, սրանք միայն անախորժ «բեռան» մի մասն են, որոնք պետք է լուծի նոր նախագահը»,- կարծում է նա։

«Եվ իհարկե, Կիևի իշխանությունները պետք է վերջապես հասկանան, որ ընդհանուր շահերին է համապատասխանում ոչ թե Ռուսաստանի և Ուկրաինայի առճակատումը, այլ օգտակար համագործակցության զարգացումը վստահության և փոխըմբռնման հիման վրա։ Մենք դրան պատրաստ ենք»,- ասել է Պուտինը։