Երբ վերջին անգամ ՀՀ-ում աշխատավարձը բարձրացվեց 2015-ին, դա 80 մլրդ դրամ գումար պահանջեց. Պավել Սաֆարյան

Երբ վերջին անգամ ՀՀ-ում աշխատավարձը բարձրացվեց 2015-ին, դա 80 մլրդ դրամ գումար պահանջեց: Այս մասին, այսօր՝ հուլիսի 2-ին, լրագրողների հետ զրույցում նշեց ֆինանսների նախկին փոխնախարար Պավել Սաֆարյանը:

Դիտարկմանը, որ 2015-ից հետո առաջին անգամ Հայաստանում աշխատավարձ է բարձրացվել, մասնավորապես, նվազագույն աշխատավարձը, նա արձագանքեց. «Երբ վերջին անգամ աշխատավարձը Հայաստանում բարձրացվեց 2015 թվականին, դա պահանջեց 80 մլրդ դրամ գումար: Այն ժամանակ կային կարծիքներ, որ կարելի է աստիճանաբար բարձրացնել աշխատավարձը, որովհետեւ միանգամից բարձր սանդղավ վերցնելը հետո շատ դժվար է: Մոտավորապես պետական պաշտոնյաների 30 տոկոսից ավելիի աշխատավարձի բարձրացում տեղի ունեցավ»:

Նշենք, որ կառավրությունն իր վերջին նիստերից մեկում հավանություն տվեց նվազագույն աշխատավարձը 55 հազար դրամից 68 հազար դրամ դարձնելու նախաձեռնությանը: Օրինագիծն ուղարկվել է Ազգային ժողով: Այս փոփոխությունը վերաբերելու է մոտ 80 հազար քաղաքացիների, որոնք մինչեւ 68 հազար դրամ ցածր աշխատավարձ են ստանում: