«Պրոֆ Ալ». 20 հազարից ավել նախագիծ, եւ սա դեռ միայն սկիզբն է

Հայերին բնորոշ աշխատասիրությունն ու ստեղծարարությունն իրենց ամենավառ դրսեւորումն են ստանում շինարարության ոլորտում։ Հայաստանում այս ոլորտի առաջատար «Պրոֆ Ալ» շինարարական ընկերության բեղուն գործունեության եւ բազմաթիվ հաջողված նախագծերի պատմությունը սկսվում է 2002 թվականից։

Ի սկզբանե ընկերությունը զբաղվել է միայն ալյումինե եւ մետաղապլաստե պատուհանների արտադրությամբ. «Պրոֆ Ալ»՝ «Профессиональные алюминщики» հապավումը դարձավ ընկերության խորհրդանիշն ու արժեքները կրող հաստատուն եւ հզոր բրենդ։ Տարիների ընթացքում ընկերությունն ընդլայնեց արտադրության ծավալն ու ծառայությունների շրջանակը. այսօր այն սովորական շինարարական ընկերություն չէ։

«Մեր ընկերությունը միակն է Հայաստանում, որ արտադրանք է արտահանում Սաուդյան Արաբիա, Արաբական Միացյալ Էմիրություններ, Ռուսաստան, Վրաստան եւ Եվրոպա, մեծ նախագծեր է իրականացնում տարածաշրջանում, կայուն համագործակցություն ունի երկրի սահմաններից դուրս, - նշում է «Պրոֆ Ալ» ընկերության զարգացման գծով փոխտնօրեն Էդգար Ավետիսյանը։

Ընկերությունն արդեն 17 տարի է չի զիջում առաջատար դիրքը պրեմիում սեգմենտում՝ ներկայանալով սպառողին սմարթ լուծումներով՝ բնակարանային եւ գրասենյակային կահույքի արտադրությամբ եւ ոճավորումով, ալյումինե, մետաղապլաստե, դեկորատիվ կոնստրուկցիաների, պերգոլաների, մարկիզաների եւ ապակու ներկրմամբ եւ արտադրությամբ, ինչպես նաեւ լանդշաֆտային դիզայնով։

Ոլորտում բարձր որակ ստեղծելու գաղափարով միավորված 20-25 հոգանոց թիմն այսօր դարձել է 300-հոգանոց ընտանիք, միավորելով ավելի քան 15 արտադրամաս եւ հարակից այլ բիզնես ուղղություններ։ Արտադրական յուրաքանչյուր ուղղություն հիմնվել ու զարգանում է աշխարհի տարբեր երկրներից շուրջ 50 ընկերությունների հետ գործակցության արդյունքում։ Գերմանիա, Իտալիա, Իսպանիա, Ավստրիա, Հունաստան, Հոլանդիա, Շվեդիա, Ֆրանսիա, Բելգիա, Դանիա, Անգլիա, Լեհաստան եւ այլն՝ «Պրոֆ Ալ»-ը միակն է ոլորտում, որն արտահանում է իր արտադրանքը սկսած 2013 թվականից եւ որի շնորհիվ «Made in Armenia»-ն համարվում է եվրոպականին համարժեք որակ GULF երկրներում:

«Պրոֆ Ալ»-ն այսօր միակ ընկերությունն է, որ այսքան մասշտաբային նախագծեր է անում տարածաշրջանում։ Արտահանման ամենամեծ մասնաբաժինը Սաուդյան Արաբիայինն է, եւ մենք ունենք նախագծեր, որոնք իրագործում ենք Եվրոպայում՝ Չեխիայում, Հունգարիայում, ինչպես նաեւ Վրաստանում եւ Ռուսաստանում։ Արտահանումը Հայաստանից աշխարհագրական տեսանկյունից լուրջ լոգիստիկ խնդիրների է բախվում. արտադրանքը թանկանում է։ Վերջին շրջանում Ռուսաստանի հետ մեկ մաքսային համակարգում հայտնվելը բավականաչափ օգնել է ոչ միայն մեզ, այլ ամբողջ ոլորտին. մեծ թվով եվրոպական արտադրողներ ռուսական շուկային մատակարարելու համար իրենց գործարաններն են հիմնել Ռուսաստանում։ Եվ եթե մենք ժամանակին ապակին ներմուծում էինք Բելգիայից, այսօր նույն եվրոպական ընկերության ապակին Հայաստան է գալիս Ռուսաստանից, ինչը զգալիորեն նվազեցնում է ինքնարժեքը», - նշում է Էդգար Ավետիսյանը։

2018 թվականին «Պրոֆ Ալ» ընկերությունը Դավիթ Անհաղթի 8 հասցեում բացեց իր նոր՝ «Prof Al Home» ցուցասրահը, կոտրելով շինարարական ոլորտի մասին կարծրատիպերը եւ որդեգրելով սպասարկման նոր ոճ. սրահը դարձել է ճարտարապետների, դիզայներների եւ սպառողների համատեղ ստեղծագործական աշխատանքի հարթակ եւ իր ձեւաչափով թերեւս միակն է Հայաստանում:

«Հայաստանում նույնիսկ պատուհան գնելու համար հաճախորդը հաճախ ստիպված է գնալ արտադրամասեր, որտեղ կողմնորոշվելն իրականում անհնարին է։ Մենք առաջարկում ենք այցելել «ProfAlHome»-ը, որտեղ կարելի է ծանոթանալ արդեն պատրաստի ապրանքատեսականիին, ստուգել ինչպես է այն աշխատում, օրինակ, բացել-փակել պատուհանները, տեսնել պրոֆիլի բացվածքը, ստանալ համապատասխան խորհրդատվություն եւ հետո իսկ գրանցել պատվերը ։ Սպառողին շատ ավելի հարմար է այցելել մեկ վայր եւ ընտրել ամեն ինչ՝ էքստերիերից մինչեւ ինտերիեր», - նշել է Էդգար Ավետիսյանը:

Արագ զարգացող շինարարության ոլորտի տեմպին համընթաց ընկերությունը պարբերաբար հանդես է գալիս նորարարական նախաձեռնություններով եւ ոլորտի զարգացմանը նպաստող անսովոր եւ յուրահատուկ ծրագրերով։ Վերջերս հիմնադրեց «Հայաստանի էլեկտրամոնտաժողների ակումբը», որի ձեւավորմամբ «Պրոֆ Ալ»-թիմը ընդգծեց էլկետրամոնտաժողի մասնագիտության կարեւորությունը: Ակումբը էլեկտրամոնտաժային ծառայությունների շուկայում առկա եւ նորարարական փորձի փոխանակման, տեխնիկական եւ սպասարկման նորությունների եւ հեռանկարների քննարկման մասնագիտական հարթակ է դարձել։

Լինելով ոլորտի առաջատար՝ «Պրոֆ Ալ»-ն այսօր միավորում է տեղական ճարտարապետներին եւ դիզայներներին մեկ հարթակում. www.profal.am պաշտոնական կայքում ձեւավորվում էն շինարարական ոլորտի նոր շունչն ու զարգացման նոր ուղիները։ Այս ձեւաչափը կարեւոր է ոչ միայն տեղեկատվական, այլեւ միմյանց ճանաչելու եւ մասնագիտական դիսկուրս ծավալելու տեսանկյունից՝ կայքում կներկայացվեն ճարտարապետներն իրենց պորտֆոլիոներով։

Ըստ Էդգար Ավետիսյանի իր գործունեության ընթացքում «Պրոֆ Ալ»-ն իրականացրել է 20 հազարից ավել նախագիծ, եւ սա դեռ միայն սկիզբն է։