на Русском
Արգելափակված են Շիրակի և Արտաշիսյան փողոցները 
Մենք պետք է գործենք հիմա՝ Ադրբեջանին պատասխան... 
«Շարժվում ենք այդ ուղղությամբ». Մհեր Գրիգորյանը՝ գազի գնի շուրջ բանակցությունների մասին
Դա բավական բարդ հարց է, և շատ բաղադրիչներ կան, որոնք նշանակություն ունեն գազի գնի վերջնական ձևավորման հետ կապված: Այս մասին, այսօր՝ հունիսի 10-ին, ԱԺ-ում լրագրողների հետ զրույցում նշեց փոխվարչապետ Մհեր Գրիգորյանը՝ անդրադառնալով Հայաստանում գազի սակագնի հնարավոր փոփոխություններին և դրա շուրջ ռուսական կողմի հետ բանակցությունենրին:
«Ցանկացած հանդիպման ընթացքում այդ հարցը քննարկվում է, բայց ես չեմ կարող ասել, որ ունենք վերջնական պայմանավորվածություններ: Այդ պայմանավորվածությունները այս փուլում չէին էլ կարող ամփոփվել, որովհետև, գիտեք, որ նախ բանակցությունների մի հատվածը վերաբերում է մարժային, այսինքն տարիֆի ձևավորմանը ՀՀ տարածքում «Գազպրոմ Արմենիայի» կողմից, և երկրորդը՝ սահմանին գազի գնին, որը այլ բանակցությունների առարկա է: Շարժվում ենք այդ ուղղությամբ, և հույսով լինենք, որ հնարավոր կլինի սակագինը չբարձրացնել»,-ասաց նա:
Դիտարկմանը, որ աշխատանքային խումբն արդեն 6 ամիս աշխատում է, ինչ արդյունքներ են գրանցվել, հնարավոր կլինի՞ կրճատել «Գազպրոմ Արմենիայի» ծախսերը և հանսել սակագնի չբարձրացման, փոխվարչապետն արձագանքեց. «Հիմա շատ դետալիզացված ձեր կարծին չեմ պատասխանի, բայց բազմաթիվ ծախսեր կան, որոնց շուրջ նախնական պայմանավորվածություն կա և դրանք պետք է նվազեցվեն ընկերության օպտիմիզացիայի հաշվին: Բանակցությունների ամփոփման ժամանակ այդ ամենը լինելու է հրապարակային»:
Ինչ վերաբերում է «Գազպրոմ Արմենիայի» հնարավոր ուռճացված ծախսերին, Մհեր Գրիգորյանն ասաց. «Ծախսեր շատ եղել են, չեմ բացառում, որ ուռճացված էլ են եղել, բայց հիմա չեմ ցանկանում դետալիզացնել, որովհետև ի վերջո, բանակցությունները կունենան վերջնական տեսք և դրանց մասին դուք կիմանաք»:
Հարցին, թե գազի սակագինը հնարավոր եղավ չբարձրացնել «Գազպրոմ Արմենիայի» աշխատակիցների կրճատմա՞ն արդյունքում, նա ասաց. «Իսկ դուք գիտեք, որ այդտեղ արդեն աշխատակիցնե՞ր են կրճատվել: Չկա որևէ բիզնես կամ ձեռնարկություն, որ կրճատման գործընթացներով պարբերաբար չանցնի: Դա հրամայականն է այսօրվա: Բնականաբար, որքան տեխնոլոգիաները զարգանում են, այնքան կրճատման խնդիրը արդիական է դառնում: Այլ տարբերակ չկա: Ուղղակի կապ կրճատումների և գազի սակագինը չբարձրացնելու մեջ ես չէի արձանագրի»:
