Ալիևի վարքագիծը խոսում է Հայաստանի իշխանությունների կողմից կորցրած մեկ տարվա մասին

Իլհամ Ալիեւի հայտարարությունն այն մասին, որ այն ժամանակը, որ Ադրբեջանը տվել է Հայաստանին, անցել է, նման է փողոցային վիճաբանությանը: Եթե Բաքուն օգտագործում է նման բառապաշար, ապա սա խոսում է այն մասին, որ ՀՀ իշխանությունները այս տարին անարդյունավետ են օգտագործել կամ ոչ այդ ուղղությամբ: Հունիսի 6-ին լրագրողների հետ հանդիպմանն այս մաիսն ասաց ՀՀ առաջին օմբուդսմեն, իրավապաշտպան Լարիսա Ալավերդյանը:

Նրա խոսքով՝ չկա Ղարաբաղի առանձին խնդիր, կա հայ ժողովրդի գոյության խնդիր, որը տարբեր ժամանակներում կապված է եղել տարբեր տարածքների հետ՝ Սասուն, Մարաշ եւ այլն:

«20-րդ դարի վերջում նման տեղ էր Ղարաբաղը: Սակայն խնդրին պետք է արձագանքել ոչ միայն էմոցիոնալ, այլեւ ինտելեկտուալ, որպեսզի հակառակորդը չցանկանա անընդհատ իր մկանները ցույց տալ: Քանի դեռ դա կատարվում է, նշանակում է, մենք բավականաչափ չենք աշխատում: Հարկավոր է քայլեր ձեռնարկել, որոնք կխանգարեն Ադրբեջանի նկրտումներին», - նշեց նա:

Իրավապաշտպանը նշեց, որ ր Թուրքիայի եւ Ադրբեջանի միջեւ 20 տարով կնքքված պայմանագիր կա, որի կետերը ներառում են ադրբեջանական դիրքերի մոտեցում հայկականներին, եւ զորավարժություններ եւ հռետորաբանություն, ինչպես նաեւ ապատեղեկատվության տարածում, այսինքն՝ հիբրիդային պատերազմի մեթոդների կիրառում:

«Ստեղծված իրավիճակի շրջանակներում Անկարան եւ Բաքուն հանդես են գալիս միահամուռ եւ նպատակային, ի տարբերություն Հայաստանի իշխանությունների, որոնք մնացել են 20-րդ դարի վերջին, երբ Արեւմուտքը ողջունում էր Ղարաբաղի հարցով ձգտումը խորհրդային կարգերից ազատագրվելու համատեքստում: Հիմա Արեւմուտքին ցույց տալ, որ մենք միշտ պատրաստ ենք զիջումների, նշանակում է նահանջի քաղաքականություն վարել», - ասաց Լարիսա Ալավերդյանը: