Արդյունաբերական ոլորտում անօդաչու ավտոմեքենաների շահագործման հետեւանքով իրենց աշխատանքն են կորցնում վարորդները

Արդյունաբերական ոլորտում աշխատատեղերը, որոնք փոխարինվել են մեքենաներով, այլեւս չեն վերադառնա, բացի այդ, անօդաչու ավտոմեքենաների շահագործման հետեւանքով իրենց աշխատանքն են կորցնում վարորդները: Նման կարծիք է հայտնել հաշվիչ համակարգերի ոլորտում ամերիկացի հայտնի գիտնական, Թյուրինգի մրցանակի դափնեկիր Ջոն Հոփկրոֆթը, հաղորդում է «ՌԻԱ Նովոստի»-ն:

«Վստահ եմ, որ արդյունաբերական ոլորտում որոշ աշխատատեղեր այլեւս չեն վերադառնա: Այժմ ավելի քիչ մարդ է անհրաժեշտ՝ ավտոմեքենաներ հավաքելու համար (համեմատած վերջին 20 տարվա հետ): 20 տարի առաջ, իսկապես, շատ ավելի մարդ կար, որոնք իսկապես աշխատում էին»,- ասել է նա արհեստական ինտելեկտի հարցով Համաշխարհային կոնֆերանսում իր ելույթի ժամանակ:

Գիտնականի կարծիքով՝ անօդաչու մեքենաների հայտնվելուն պես նման ճակատագիր է սպասվում նաեւ վարորդներին:

«Հնարավոր է, որ ապագայում անհրաժեշտ լինի միայն 25% աշխատուժ՝ անհրաժեշտ ապրանքների կամ ծառայությունների արտադրման համար»,- ենթադրել է Հոփկրոֆթը: