на Русском
Հրդեհ՝ Երևանի Ֆանարջյան փողոցում
Մայիսի 1-ից տեսանկարահանող կամ լուսանկարահանո... 
Մենք պետք է միշտ պատրաստ լինենք բոլոր հնարավոր պատերազմներին. Անդրանիկ Քոչարյան
«Հրապարակ» օրաթերթը գրում է,
«ՀՀ պաշտպանության նախարար Դավիթ Տոնոյանն իր վերջին հարցազրույցներից մեկում ասել էր, որ պատերազմի հնարավորությունը շատ մեծ է. կիսո՞ւմ եք այդ տեսակետը՝ հարցրինք ԱԺ պաշտպանության, անվտանգության մշտական հարցերի հանձնաժողովի նախագահ Անդրանիկ Քոչարյանին։ «Մենք պետք է միշտ պատրաստ լինենք բոլոր հնարավոր պատերազմներին»: Հարցադրմանը, որ մեկ տարի առաջ՝ ապրիլյան միտինգների օրերին, զինվորական գումարտակը զինվորական համազգեստներով դուրս էր եկել միտինգի, պաշտպանության նախարարն էլ ասել էր, որ դա անթույլատրելի է, կիսո՞ւմ եք այդ տեսակետը։ «Դա ոչ միայն անթույլատրելի էր, այլեւ պետք է ենթարկվի խիստ պատժի»:
Բա ինչո՞ւ չեք պատժում, ավելին՝ գումարտակի հրամանատարը պաշտոնական առաջխաղացում ստացավ։ «Պատիժները պետք է սկսվեն պաշտպանության նախարարության կողմից, եթե դրանք բավարար չեն, կլինեն մեր վերահսկողության տակ»: Որպես մարտի 1-ի փաստահավաք խմբի անդամ՝ ինչպե՞ս եք վերաբերվում խնդրին, որ դատավորները հրաժարվում են Քոչարյանի գործի վարույթն իրականացնել։
«Դատավորները հիմնավորում են հրաժարման պատճառները. եթե տենդենցը շարունակվի, նշանակում է` դատական համակարգում ունենք պրոբլեմներ, դա ԲԴԽ-ի անելիքն է, եւ կարծում եմ` ԲԴԽ ղեկավար Գագիկ Հարությունյանը համապատասխան հետեւություններ կանի»: Ի պաշտպանություն Քոչարյանի՝ ցույցեր անելու տենդենց է նկատվում։ «Դուք եւ համապատասխան լրատվամիջոցնե՞րն եք ցույցեր անելու. Քոչարյանի համար ցույց անող չկա Հայաստանում»,- ասաց Քոչարյանը»:
