Վահան Բադասյանն ավտովթարի է ենթարկվել
Քաղաքագետ Հայկ Մարտիրոսյանը Facebook-ի իր էջում գրել է, որ Արցախի ռազմական-քաղաքական գործիչ Վահան Բադասյանն ավտովթարի է ենթարկվել.
«Իմ ընկեր, արցախցի հրամանատար, պատերազմի հերոս Վահան Բադասյանի հետ Արցախում կատարվածը բազում հարցեր է առաջացնում:
Հուսամ` առաջիկա օրերին պատահարը վերապրած հրամանատարն ինքը հրապարակայնորեն կմանրամասնի դեպքը:
Բայց դրանից անկախ` Արցախի իշխանությունները պարտավոր են մանրակրկիտ և բաց հետաքննություն անցկացնել և թափանցիկ ու համակողմանի հաշվետվություն ներկայացնել:
Ելնելով պատահարի որոշ խիստ կասկածելի հանգամանքներից` կարող են լինել կասկածներ, որ ծանր ավտովթարը պատահականություն չէ:
Բադասյանի հետ խոսեցի քիչ առաջ: Վնասվածքներ ունի, բայց կյանքին վտանգ չի սպառնում: Փոխարենը` ծանր է ուղեկցի վիճակը:
Երկուսն էլ երևանյան հիվանդանոցներից մեկում են»,- գրել է Մարտիրոսյանը: