LIGO-ն եւ VIRGO-ն գրանցել են 505 մլն լուսային տարվա ընթացքում նեյտրոնային աստղերի երկրորդ միաձուլումը

IGO եւ VIRGO
աստղադիտարանները գրանցել են պատմության մեջ գրավիտացիոն ալիքների երկրորդ
առկայծումը, որը ծնունդ է առել Հերկուլեսի համաստեղության մեջ անհայտ
գալակտիկայում երկու նեյտրոնային աստղերի միաձուլումից՝ հայտնում է ՌԻԱ
Նովոստին՝ վկայակոչելով LIGO-ի կայքում տեղադրված հետազոտության
արդյունքները։

«Այդ գրավիտացիոն առկայծումը մեզ բավական մոտ է տեղի ունեցել, մոտ 500
մլն լուսային տարի։ Իհարկե, դա շատ հարաբերական հասկացություն է
գրավիտացիոն աստղագիտության աշխարհում, սակայն երկու այլ
իրադարձությունների աղբյուրները ավելի հեռու են գտնվում»,- մեջբերում է
գործակալությունը։

Այսօր Երկրի վրա կան երկու սարքեր, որոնք ընդունակ են որսալ գրավիտացիոն
ալիքները։ Դրանցից առաջինը LIGO-ի դետեկտորն է, որը 2002թ․ կառուցվել է
այն նախագծերով եւ գծագրերով, որ անցյալ դարի 80-ականներին մշակել էին Քիփ
Թորնը, Ռայներ Վայսը եւ Ռոնալդ Դրեւերը։

Երկրորդ գրավիտացիոն աստղադիտարանը՝ ViRGO-ն, կառուցվել է քիչ ավելի
ուշ։ Այն աշխատանքը սկսել է 2003թ․ հունիսին եւ երկար ժամանակ
զգայունությամբ ու դիտարկումների անցկացման ժամանակով զիջել է LIGO-ին։ Այս
երկու աստղադիտարանները համատեղ դիտարկումներ սկսել են իրականացնել 2017թ․
ամռան վերջին։

Այսօր LIGO-ն եւ VIRGO-ն կատարել են նշանակալի բացահայտում՝ նրանց
հաջողվել է հայտնաբերել նեյտրոնային աստղերի զույգի միաձուլման հետքերը,
որոնք երկրից հեռու են 505 մլն լուսային տարով։ Այդ կետի տեղակայման հստակ
վայրը գիտնականներին դեռեւս չի հաջողվել գտնել, սակայն այն, ամենայն
հավանականությամբ, գտնվում է Հերկուլեսի կամ Հյուսիսային թագի
համաստեղություններում։