ԱՀԱԿ-ը դատապարտել է Թրամփի քաղաքականությունը Հայոց ցեղասպանության հանդեպ

Երրորդ տարին
անընդմեջ ԱՄՆ նախագահ Դոնալդ Թրամփը չկարողացավ պատշաճ կերպով դատապարտել
միլիոնավոր հայերի, հույների, ասորիների, խալդերի եւ մյուս քրիստոնյաների
սպանությունը՝ որպես «ցեղասպանություն» իր ապրիլքսանչորսյան հիշատակի
ուղերձում։

«Դա Անկարայում թուրք բռնապետների սահմանած եւ Վաշինգտոնում ամերիկյան
նախագահների կողմից կիրառվող «կտրելու եւ ներկայացնելու» քաղաքականություն
է»,- ասել է Ամերիկայի հայ ազգային կոմիտեի գործադիր տնօրեն Արամ
Համբարյանը։

Նրա խոսքով՝ Թրամփը հերթական անգամ Թուրքիայի նախագահ Էրդողանին՝
ավտորիտար եւ շատ ավելի հակաամերիկյան բռնապետին տրամադրեց  վետոյի
իրավունք ցեղասպանության մասին ԱՄՆ ազնիվ հիշատակի վրա։ Նա նշում է, որ
«Ամերիկան ամեն ինչից վեր» կարգախոսի փոխարեն Թրամփն իրականացնում է
«Թուրքիան ամեն ինչից վեր» քաղաքականություն Ցեղասպանության վերաբերյալ։

«Խոստանալով բողոքել ընդդեմ քրիստոնյաների հետապնդումների՝ նա
խրախուսում է օտարերկրյա պետության լռությունը հանցագործության մասին ազնիվ
հիշատակի մասին, որը տեղի է ունեցել հարյուր տարի առաջ։ Խոստանալով
վերականգնել ԱՄՆ առաջնորդությունը՝ նա դրա փոխարեն ԱՄՆ բարոյական
հեղինակությունը հանձնել է օտարերկրյա բռնապետությանը։ Մենք սպասում ենք,
որ ԱՄՆ Կոնգրեսը կապահովի առաջնորդությունը, որը Սպիտակ տունը չկարողացավ
ապահովել»,- ասել է Համբարյանը։