Սահմանների բացումն այլընտրանք չունի և պետք է հասնել դրան. Մարուքյան
Ծիծեռնակաբերդում` լրագրողների հետ զրույցում, ԱԺ ԼՀԿ խմբակցության պատգամավոր Էդմոն Մարուքյանն ասել է, որ ժամանակին անհրաժեշտ էր ինչ-որ մի բան նախաձեռնել Թուրքիայի հետ հարաբերությունների կարգավորման համար և հենց այդ նկատառումով էլ առաջ եկավ «ֆուտբոլային դիվանագիտությունը», բայց պետք է դիտարկել նաև այն փաստը, որ Թուրքիան նույնպես դրան պատրաստ պետք է լինի:
«Հայաստանն անպատրաստ իրավիճակում սկսեց այդ գործընթացը: Թուրքական պետությունը մտավ այդ պրոցեսի մեջ և իր բոլոր հնարաորություններով շահեց այդ պրոցեսից ու պրոցեսը վիժեցրեց: Հայաստանը ոչինչ չշահեց այս ամենից: Ես կարծում եմ, որ ցանկացած նմանատիպ նախաձեռնություն անելուց առաջ մենք պետք է լավ նախապատրաստական աշխատանքներ իրականացնենք, որ ոչ թե Թուրքիան դրանից շահի, այլ ընդհանրապես դրանից շահի մարդկությունը»,- հավելել է Էդմոն Մարուքյանը:
Մարուքյանը նաև շեշտել է, որ սահմանների բացումն այլընտրանք չունի և պետք է հասնել դրան: Պատգամավորը նաև ավելացրել է, որ անցյալի փորձը ցույց տվեց, որ առանց նախապայմանների փորձը չաշխատեց: