Զոհերի թիվը հասել է 310-ի, տուժել է 480 մարդ. Շրի Լանկայում հայտարարվել է Սգո օր
Շրի Լանկայում պայթյունների հետեւանքով զոհերի թիվը հասել է մինչեւ 310-ի, եւս 480-ը տուժել է, հայտնում է News 1st հեռուստաալիքը՝ վկայակոչելով երկրի առոջապահության նախարարությանը:
Ավելի վաղ հաղորդվում էր 290 զոհվածի եւ 500 տուժածի մասին:
Շրի Լանկայում պայթյունների շարքը տեղի է ունեցել Զատկի կիրակի, առաջին վեցը պայթյունը երեք տաճարներում՝ Կոլոմբոյի, Նեգոմբոյի եւ Բատիկալոայի եւ երեք հյուրանոցներում, 7-րդը՝ կղզու արեւմուտքում, 8-րդը՝ Կոլոմբոյի մեձքաղաքային բնակելի համալիրում: Տեղական լրատվամիջոցների տեղեկություններով՝ ահաբեկչություններն իրագործել են մահապարտ ահաբեկիչները: Մայրաքաղաքում երկուշաբթի նոր պայթյուն էր որոտացել եկեղեցու մոտ, որտեղ կիրակի պայթյուն էր տեղի ունեցել:
Շրի Լանկայի իշխանությունները ապրիլի 23-ը հայտարարել են զոհվածների հիշատակի սգո օր: