Արքայադուստր Դիանայի Rolls-Royce-ը վաճառքի են հանել
Bring a Trailer կայքում հայտնվել է հայտարարություն՝ 1987թ․ Rolls-Royce Silver Spur զրահապատ ավտոմեքենայի մասին, որով 1990թ․ ԱՄՆ իր այցի ժամանակ շրջագայել է արքայադուստր Դիանան։ Ավտոմեքենան ՃՏՊ-ի չի ենթարկվել, ինչի մասին վկայում են Carfax-ի տվյալները, իսկ վազքը կազմում է մոտ 98 000 կմ։ Սեդանի ընթացիկ գինը 26 000 դոլար է՝ հայտնում է Motor-ը։
Նկարագրության մեջ նշված է, որ ավտոմեքենան պատվիրվել է Մեծ Բրիտանիայի ԱԳՆ-ի կողմից՝ Վաշինգտոնում դեսպանության համար։ Rolls-Royce Silver Spur-ի զրահապատմամբ զբաղվել է MacNeillie & Son ընկերությունը։ Թափքը ամրացված է պողպատյա եւ կեւլարային թիթեղներով, իսկ սովորական ապակիները փոխարինվել են պոլիկարբոնատայիններով։