Չինացի աղջիկը թալանել է նախկին ընկերոջը հանուն նորի հետ հարսանիքի
Չինաստանի բնակչուհին թալանել է նախկին սիրեցյալին, որպեսզի վճարի նոր ընկերոջ հետ հարսանիքի ծախսերը, տեղեկացնում է Lenta-ն՝ վկայակոչելով World of buzz-ը։
Չինացի աղջիկը Չժեցյան նահանգից, որի ազգանունն է Չժոու, հյուր է եկել նախկին սիրեցյալի տուն եւ խաբել նրան, թե նորից ուզում է նրա հետ լինել։ Դեռեւս սիրահարված 43-ամյա երկրպագուն շատ է ուրախացել եւ նրա հետ գնացել է խանութներ՝ կանխիկ տասը հազար յուան վերցնելով։ Առեւտրի կենտրոն այցելությունից հետո նրանք գնացել են այգի, որտեղ 31-ամյա Չժոուն տղամարդուն առաջարկել է գնալ բլուրներ, գտնել մեկուսի մի տեղ եւ «մի ինչ-որ ցնցող բանով զբաղվել»։
Դյուրահավատ երկրպագուն համաձայնել է, եւ Չժոուն խնդրել է նրան հանվել, իսկ հետո թույլ տալ, որ նրան կապի ծառին։ Երբ սա կատարել է աղջկա խնդրանքը, վերջինը վերցրել է նրա հագուստն ու բջջային հեռախոսը, դրամապանակը եւ փախել։ Չինացին կարողացել է ազատվել երկու ժամ անց։ Նա վերադարձել է տուն, որպեսզի հագնվի, իսկ հետո գնացել է ոստիկանական բաժանմունք եւ դիմում գրել Չժոուի դեմ։
Որոշ ժամանակ անց ոստիկանները ձերբակալել են Չժոուին, որն արդեն հասցրել էր ծախսել բոլոր փողերը։ Հարցաքննության ժամանակ սա խոստովանել էր, որ ինքն ու իր ներկա ընկերը կորցրել են աշխատանքը եւ անգամ 100 յուան չեն ունեցել բնակարանի վարձը մուծելու համար։ Բնակարանի տերը սպառնում էր վտարել նրանց, եւ Չժոուի նոր ընկերը խոստանում է, որ եթե աղջիկը փող գտնի, ապա ինքը կամուսնանա աղջկա հետ։ Աղջիկն ուրախանում է եւ որոշում «հարսանիքի» փողը գողանալ։
Նրա դեմ գողության գործ է հարուցվել, իսկ նոր ընկերոջը մեղադրել են հանցագործին օժանդակելու մեջ։ Զույգն սպասում է դատի։