Պարգևավճարը միշտ էլ եղել է, միշտ տվել են պարգևավճարներ, միայն թե այստեղ չափի հարցն էր. Ֆելիքս Ցոլակյան
ՀՀ արտակարգ իրավիճակների նախարար Ֆելիքս Ցոլակյանն այսօր լրագրողների հետ զրույցում անդրադարձել է պարգևավճարներին.
«Պարգևավճարը միշտ էլ եղել է, միշտ տվել են պարգևավճարներ,միայն թե այստեղ չափի հարցն էր, տվել են աշխատավարձի չափով: Հիմա ես ինքս ինձ չեմ պարգևատրել, իսկ նախկինում չեմ հիշում»:
Ֆելիքս Ցոլակյանը նշեց, որ պետք է արտակարգ իրավիճակների նախարարությանը
զարգացման հնարավորություն տրվի և կարևորվի կառույցի դերը: Լրագրողների այն դիտարկմանը, որ վարչապետի խոսքով պետական սեկտորի աշխատակիցները շատ քիչ են վարձատրում, նա ասաց.
«Դե, կա էդպիսի բան, օրինակ՝ մեզ պետք է ծրագրավորող, բայց մենք չենք կարող իրեն տալ լավ աշխատավարձ, բնական է, նա չի ցանկանա գալ և կընկնի մեր աշխատանքի որակը: Իմ մոտիվացիան ես միշտ ասել եմ՝ ինչն է: Պարգևավճարի համա՞ր եմ աշխատում, չհասկացա»:
Ֆելիքս Ցոլակյանը նաև խոսեց ուժային կառույցների՝ վարչապետի ենթակայության տակ գտնվելու հարցի մասին և նշեց, որ այդ հարցը շատ ծեծված հարց է և հիմա կա ձև, որպեսզի բոլորը հաշվետու լինեն ԱԺ-ին, հավանաբար, այդհարցը ապագայում կքննվի ԱԺ-ում.
«Ոստիկանությունը, ԱԱԾ-ն ապաքաղաքական կառույցներ են և պետք չէ, որ նախարարություն դառնան»:
Անդրադառնալով երկրում աղքատության մակարդակին՝ Ֆելիքս Ցոլակյանն ասաց.
«Աղքատությունը չէր կարող այս մի քանի ամսվա ընթացքում զգալի կրճատվել: Այսպիսի խոսք կա. «Աղքատը ինչքան ուզում է հարստանա, վրայից աղքատի հոտ է գալիս 10-20 տարի, իսկ հարուստը ինչքան ուզում է աղքատանա, վրայից հարուստի հոտ է գալիս 120-130 տարի»: