Աճանանում ձկների սատկելը կապել Քաջարանի կոմբինատի հետ՝ առնվազն ոչ պրոֆեսիոնալ է. ջնջված տեսանյութի հետքերով
Հայկական բնապահպանական ճակատն այսօր տեսանյութ էր հրապարակել, որտեղ նշվում էր, թե իբր, Աճանան գետում հայտնաբերվել են բազմաթիվ սատկած ձկներ, ինչը Քաջարանի կոմբինատի թափոնաջրերի հետևանքն է։
Տեսանյութը, որը հրապարակել է ՀԲՃ-ն, արված է մի քանի ամիս առաջ. այն օրերս հրապարակել է Facebook-յան օգտատեր Արսեն Առաքելյանը, որը, սակայն, հետագայում ջնջել է տեսանյութը։
Ի՞նչ է տեղի ունեցել իրականում, ինչո՞ւ է հիմա հրապարակվել տեսանյութը, եթե այն նկարահանվել էր ամիսներ առաջ, և եթե դա իրականություն էր, ապա ինչո՞ւ է հեռացվել. այս հարցերի հետքերով է գնացել Aysor.am-ը։
Զանգեզուրի պղնձամոլիբդենային կոմբինատի բնապահպանության բաժնի պետ Հասմիկ Մկրտումյանը նշում է՝ ԶՊՄԿ ՓԲ ընկերությունը իրականացնում է պարտադիր շաբաթական բնապահպանական մոնիթորինգ, որի տվյալները եռամսյակային հաշվետվության տեսքով տրամադրվում են բնապահպանության նախարարությոնը և խոշոր հարկ վճարողների վարչությանը ու մինչ այսօր չեն գրանցվել այնպիսի դեպքեր, որոնք որ կարող էին ազդել ձկների կենսունակության վրա
«2015 թվականից մինչև 2018 թվականի հունվարի վերջ իրականացվել են լայնածավալ կենսաբազմազանության ուսումնասիրություններ, որտեղ ներգրավված է այն հատվածը, որն առկա էր տեսանյութում։ Երբևիցե այդ երեք տարիների ընթացքում մենք չենք հանդիպել նման երևույթի», - ասաց նա։
Հասմիկ Մկրտումյանի խոսքով՝ առհասարակ, ձկների սատկելը ուղղակիորեն կապել մեկ ազդեցություն ունեցող օղակի հետ՝ առնվազն ոչ պրոֆեսիոնալ է, այն դեպքում, երբ քննարկման առարկա հանդիսացող հատվածում առկա են բազմաթիվ այլ ազդեցության օղակներ (լքված հանքեր, արդյունաբերական այլ սուբյեկտներ), այսինքն՝ դա գետի ամենաակտիվ ազդեցություն կրող գոտին է։
Մանրամասն՝ սկզբնաղբյուր կայքում: