Հայ պատվիրակները կմասնակցեն Եվրոպայի պատանեկան Օլիմպիական փառատոնին

2019 թ. փետրվարի 9-16-ը Բոսնիա Հերցեգովինայի Սարաևո քաղաքում կանցկացվի Եվրոպայի պատանեկան Օլիմպիական ձմեռային հերթական փառատոնը: Իրենց ունակությունները կդրսևորեն 50 երկրների 14-18 տարեկան 1500 մարզիկ-մարզուհիներ: Նրանց թվում կլինեն նաև Հայաստանի պատվիրակները:

Հայաստանի մարզական պատիվը կպաշտպանեն գեղասահորդուհի Մարինա Ասոյանը, լեռնադահուկորդներ Մայիս Եղիազարյանը և Ժիրայր Առաքելյանը, դահուկավազորդներ Աղասի Սաքանյանը և Աննա Ռաշոյանը: Պատվիրակության գլխավոր հանձնակատարն է դահուկային սպորտի հանրապետական ֆեդերացիայի գլխավոր քարտուղար Գագիկ Սարգսյանը: Փառատոնի բացումը տեղի կունենա Սարաևոյի «Կոշևո» մարզադաշտում` փետրվարի 10-ին, իսկ փակումը` փետրվարի 15-ին` «Սլավիա» ստադիոնում: