Վահան Հովհաննիսյանը պատասխանում է ինտելեկտուալ հարցերի

Operativ.am-ի ինտելեկտուալ հարցերին պատասխանել է ՀՅԴ-ական պատգամվոր Վահան Հովհաննիսյանը: Պատմությանը վերաբերող բոլոր հարցերին նա տվել է ճիշտ պատասխան և առհասարակ ընդամենը երկու սխալ է թույլ տվել:

-Ո՞ր թագավորի օրոք է տնկվել Խոսրովի անտառը:
-Բնականաբար Խոսրովի:

-Ո՞ր գետի ափին է տեղի ունեցել Ավարայրի ճակատամարտը:
-Տղմուտ:

-5-րդ, չորսական, երկու-երկու, առաջին բառերը ո՞ր խոսքի մասին են պատկանում:
-Անկեղծ ասած չգիտեմ: Ես հայերեն քերականության մասնագետ չեմ, չգիտեմ (վերը նշված բառերը պատկանում են թվական խոսքի մասին):

-Հայաստանը ծովի մակարդակից քանի՞ մետր բարձրության վրա է գտնվում:
-Հայաստանը ֆուտբոլային դաշտ չի, բոլոր տեղերը տարբեր են: Օրինակ՝ Արարատ լեռը 5000-ից ավելի բարձրության վրա է գտնվում: Եթե միջինը նկատի ունեք, ես կարծում եմ 1500-ից ավելի է:

-Ո՞վ է «Պատմության քառուղիներով», «Երկիր Նաիրի» գործերի հեղինակը:
-Եղիշե Չարենցն է:

-Ո՞ր թագավորն է կառուցել Էրեբունին և ո՞ր թվականին:
-Մ.թ.ա. 782 թվականին Արգիշտի Առաջին թագավորի կողմից:

-Ո՞ր թերթի խմբագիրն էր Հրանտ Դինքը:
-«Ակոս»-ի:

-Ո՞վ կամ ովքե՞ր են մեր գերբի հեղինակները:
-Հակոբ Կոջոյանը, իր մանսակցությունն ունեցել է նաև Մարտիրոս Սարյանը:

-Ո՞վ է ներմուծել «Ամերիկյան երազանք» հասկացությունը:
-Չգիտեմ: (1876 թվականին ԱՄՆ երրորդ նախագահ Թովմաս Ջեֆերսոնն իր հայտարարության մեջ նշում է, որ ԱՄՆ-ն հավասար հնարավորությունների երկիր է, յուրաքանչյուրն այստեղ կգտնի իր երազանքն ու երջանիկ կլինի, այստեղից էլ ՝«Ամերիկյան երազանք» հասկացությունը):

Զրուցեց Նազենի Բաղդասարյանը