Երկու անգամ ցատկել եմ պատուհանից. Նարինե Դովլաթյանը բեմից այն կողմ (լուսանկարներ)

Նարինե Դովլաթյան` գեղեցիկ աղջիկ, տաղանդավոր երգչուհի և հաճելի անձնավորություն: Operativ.am-ի թղթակիցը որոշեց պարզել, թե ինչպիսի՞ն է Նարինե Դովլաթյանը բեմից դուրս` առօրյա կյանքում, ինչո՞վ է զբաղվում ազատ ժամանակ և ի՞նչ գրքեր է կարդում:

-Ինչո՞վ է զբաղվում ազատ ժամանակ Նարինե Դովլաթյանը:

-Նոր երգերի բառեր եմ սովորում, գիրք եմ կարդում, չեմ սիրում կարդալ ներկայումս մեծ տարածում ունեող էլեկտրոնային գրքերը. Գիրքը պիտի շոշափես, կարդաս: Եվ քրոջս երեխաների հետ եմ ժամանակ անցկացնում:

 -Ինչո՞վ է տարբերվում բեմի Նարինեն առօրյա Նարինեից:

-Բեմում ես կարող եմ շատ տարբեր լինել: Կարող եմ հանդես գալ տարբեր կերպարներով, բայց կյանքում մեկն եմ' նույնը, այն ինչ կամ:

-Ի՞նչը կարող է ձեզ ուրախություն պատճառել և ինչը` բարկացնել:

-Շատ բան. Ուրախություն են պատճառում նաև քրոջս երեխաներն իրենց արտաբերած ամեն մի նոր բառով, նոր մտքով: Երեխաները հրաշք են, իսկ ամեն մի երեխա` յուրահատուկ: Կարող ես ժամերով նստել ու նայել, թե երկու երեխա ի՞նչ են խոսում և ինչպե՞ս են վիճում իրար հետ:
Տանել չեմ կարողանում անպարտաճանաչությունը: Ինքս ճշտապահ եմ ու հաճախ եմ զղջում դրա համար: Բայց ոչինչ փոխել չեմ կարող:

 -Ո՞րն է ձեր ամենանվիրական երազանքը:

-Երազանք բառը միշտ չեմ սիրել: Երազանքը հեքիաթն է, իսկ ահա նպատակներ շատ ունեմ: Փորձում եմ իրագործել դրանք:

 -Ունե՞ք սիրած սպորտաձև:

-Երևի թե մարմնամարզություն: Լավ կլիներ, որ փոքր հասակում բոլորս էլ մարմնամարզությամբ զբաղվեինք:

-Երբևէ արե՞լ եք այնպիսի մի բան, որի համար հետագայում փոշմանել ես:

-Շատ բաներ, բայց իրականում, եթե չանեի, գուցե չհասկանայի, որ սխալ է: Կյանքը լի է դասերով:

 -Ձեզ ո՞ւմ եք  նմանեցնում:

-Ընտաիքիս անդամներին:

-Երբևէ խենթություններ արե՞լ եք. կպատմե՞ք դրանցից ամենահիշվողի մասին:

-Այո, արել եմ:  Երկու անգամ ցատկել եմ պատուհանից. Մի անգամ տան դուռն էր փակվել ու բանալին մնացել էր դրսում: Երկրորդ անգամը չեմ պատմի: :)

-Այս տարի պատրաստվու՞մ եք հանգստանալու մեկնել: Եթե այո, ապա որտե՞ղ կնախընտրեիք վայելել ամառային հանգիստը:

-Դեռ չգիտեմ, դեռ աշխատանքի մեջ եմ, բայց գնալու եմ:

-Եթե երգչուհի չլինեիք, ի՞նչ մասնագիտություն կընտրեիք:

-Սիրում եմ արվեստի հետ կապված ամեն ինչ, բոլոր ճյուղերը' նկարչություն, թատրոն, պար, դիզայն: Բայց երաժշտությունն իմ ներսում է, ուրիշ բան ընտրել չէի կարող:

 -Ձեր Կարդացած ո՞ր գիրքն է եղել ամենատպավորիչը և ինչու՞:

-Բազմիցս նշել եմ Չապլինի ինքնակենսագրական գրքի մասին: Բայց իմ կյանքը շատ է փոխել Կոմիտասի կյանքի մասին պատմող գեղարվեստական գիրքը:

Զրուցեց Հռիփսիմե Սաֆարյանը: