Տիգրան Ուրիխանյանը վախենում է օձերից և դաժան կանանցից

Operativ.am-ի բլից հարցերին պատասխանում է ԱԺ հինգերորդ գումարման ԲՀԿ խմբակցության պատգամավոր Տիգրան Ուրիխանյանը:

-Մանկության նվիրական երազանք, որն արդեն  իրականություն է դարձել:

-Չի դարձել, դեռ դպրոցական տարիներից եղած իմ երազանքն իրականություն չի դարձել. երազանքս այն է եղել, որ Ագաթանգեղոսի 7 հասցեում գտնվող շենքը բարեկարգվի և երեսպատվի՝ Այրարատ կինոթատրոնի առջևի բազմաբնակարան շենքը:

-Հերոսի կերպար ունեցե՞լ եք:

-Հերոսի կերպարն ինձ համար մի քանի տասնյակ կերպարներից յուրաքանչյուրից վերցրած առանձին հատկանիշների համադրությունն է:

-Մանկական կատակ՝ ոչ մանկական հետևանքներով:

-Բազմաթիվ են եղել, որովհետև մանուկ հասակում ինչ-որ տարօրինակ հանգամանքների բերմամբ երեխային ոչ հասու, ավելի ճիշտ մեծին վայել արարքներ եմ արել, բայց բացասական հետևանքներ ոնց որ չեմ հիշում:

-Մարդկային խառնվածքի այն հատկանիշը, որը սկզբունքորեն տանել չեք կարողանում:

-Դրանք մի քանիսն են. սուտը, անպատասխանատվությունը և այլ հատկանիշներ:

-Մարդն ունա՞կ է փոխվել:

-Իհարկե:

-Ինչպե՞ս կվարվեք, երբ նայելով Ձեր աչքերի մեջ փորձեն ստել:

-Ինչպես միշտ. կընդունեմ իրականությունն այնպես, ինչպիսին կա, և կանեմ եզրակացություններ:

-Հանդիպել եք Ձեր կրկնօրինակին. Ձեր առաջին արձագանքը:

-Չեմ հանդիպել, չեմ պատկերացնում ու հուսով եմ՝ չեմ հանդիպի:

-Հե՞շտ է Ձեզ հավասարակշռությունից հանելը:

-Գործնական հարաբերություններում հնարավոր չէ, անձնական հարաբերություններում շատ հեշտ է:

-Ձեր կյանքի ամենամեծ ձեռքբերումը և բացթողումը:

-Դրանք բազմաթիվ են. շատ բան կարելի էր անել և ձեռք բերել, որ չի արվել և ձեռք չի բերվել և հակառակը:

-Կցանկանայիք փոխել Ձեր բնավորության...

-Մի գիծ. էմոցիանալությունը անձնական հարաբերություններում:

-Ինչի՞ց եք վախենում:

-Օձերից, բաց էլեկտրական լարերից, բարձրությունից և դաժան կանանցից:

-Ձեր կողմից պատրաստված ամենամեծ անակնկալը:

-Ես ընդհանրապես անականկալներ մատուցելու սիրահար եմ և մեծ ու փոքր բազմաթիվ անակնկալներ փորձում եմ մատուցել ինձ համար հարազատ մարդկանց, բայց ես չեմ կարող բնորոշել՝ դրանցից որն է ամենամեծը:

-Անմարդաբնակ կղզի գնալուց առաջ երեք իր տանելու հնարավորություն ունեք, որո՞նք կլինեն դրանք:

-Ամենահարազատ մարդկանցից խորհրդանշան հանդիսացող իրեր:

-Խոստում, որը դեռևս չեք կատարել:

-Դժվարանում եմ հիշել, որովհետ խոստումների մեջ զուսպ եմ, եթե խոստումներ տալիս եմ, ապա իրականացնում եմ:

-Ի՞նչն է ավելի դժվար ասել. սիրում եմ, ներիր, հաջողություն:

-Հաջողություն, դրանից դժվար բան չկա...

Տիգրան Ուրիխանյանը երջանիկ է, երբ...

-Երբ որ կգա այդ պահը, բոլորը կհասկանան...

Երբ շրջապատված է իր կողմից սիրված ու իրեն սիրող մարդկանցով:

Դուք՝ քսան տարի անց:

-Արդյոք գոյություն կունենա՞մ:

Հեղինակ՝ Սեդա Ղուկասյան