«Չեն փորձել, տեղադրել են սարքը»․ Սրբազանը՝ իրեն գաղտնալսելու մասին

Լրագրողների հետ զրույցում Բագրտ Սրբազանը հաստաատեց՝ հյուրանոցի իր համարում իրոք փորձել են լսող սարք դնել՝ արձանագրելու համար իր խոսակցությունները։

Հիշեցնենք՝ ավելի վաղ տեղեկացրել էինք, որ Սրբազանի սենյակում փորձել են լսող սարք դնել; Այդ մասին վկայող տեսանյութ էր հրապարակվել։

«Չեն փորձել, տեղադրել են սարքը»,- այս առնչությամբ ասաց Բագրատ Սրբազանը։

«Տեղադրել են, մենք էլ իմացել ենք։ Մենք այս ընթացքում բացահայտել ենք բոլոր մեզ հետևող մեքենաները, էդ տղաների հետ խոսել ենք, ուրիշ տարբեր բաներ ենք բացահայտել»,- հավելեց նա։

Սրբազանը նշեց նաև՝ ինչ որ ներկայացված է տեսանյութում, այդպես էլ եղել է։ Ավելին, այդ նույն սենյակից, որից փորձել են գաղտնալսել իրեն, պարբերաբար լուսանկարել ու տեսանկարահանել են իրենց շարժը։

«Իմացեք՝ մեր երկրում որքան անապահով է մարդը»,- ասաց Բագրատ Սրբազանը, ապա դիմեց իրավապահ մարմիններին ու ուժային կառույցներին․

«Ձեզ էլ են հսկում, սիրելի՛ ԱԱԾ կամ որ մարմինն է, չգիտեմ։ Դուք խիստ հսկողության ներքո եք, իմացե՛ք»,- ասաց նա։