Հնդկաստանը G20-ին առաջարկելու է մեծացնել գերշահույթ ստացող միջազգային ընկերությունների հարկի բաժինը

Հնդկաստանը պնդելու է, որպեսզի «Մեծ քսանյակի» գործընկերները իր անցկացրած հանդիպմանը պաշտպանեն իր առաջարկն այն մասին, որ բարձրացվի այն հարկերի բաժինը, որոնք միջազգային ընկերությունները վճարում են այն երկրներին, որտեղ «գերշահույթ են ստանում», Reuters գործակալությանն են հայտնել կառավարության պաշտոնյաները։

Ենթադրվում է, որ հաջորդ տարի ավելի քան 140 երկիր ձեռնամուխ կլինի 2021 թվականի համաձայնագրի իրականացմանը, որով վերանայվում են տասնամյա վաղեմության կանոններն այն մասին, թե ինչպես են կառավարությունները հարկ սահմանում տրանսազգային կորպորացիաների համար։ Ներկայիս կանոնները հնացած են համարվում, քանի որ Apple-ի կամ Amazon-ի նման թվային հսկաները կարող են շահույթ գրանցել ցածր հարկերով երկրներում։

ԱՄՆ-ի կողմից առաջ տարվող գործարքը նախատեսում է խոշոր գլոբալ ֆիրմաներից նվազագույն 15%-ի և լրացուցիչ 25%-ի՝ «գերշահույթի» դիմաց, հարկի գանձում, ինչպես սահմանված է Տնտեսական համագործակցության և զարգացման կազմակերպության կողմից։

Սակայն որոշ երկրներ մտահոգված են բազմակողմանի պայմանագրի առիթով, որն ընկած է ծրագրի հիմնական տարրի հիմքում, և որոշ վերլուծաբաններ ասում են, որ վերակառուցումը խափանման սպառնալիքի տակ է։

Երեք անանուն աղբյուր հայտարարել է, որ Հնդկաստանը ցանկանում է զգալիորեն մեծացնել այն հարկերը, որոնք ֆիրմաները վճարում են այն երկրներին, որտեղ իրենց բիզնեսն են վարում։ Ընդ որում, չի նշվում, թե ինչ գումար է պահանջում Հնդկաստանը։

Աղբյուրը՝ news.am