Համավարակի դեմ պայքարի տեխնոլոգիական գործիքները մեծացնում են ամենօրյա հետևելու ռիսկը

Տեխնոլոգիական գործիքները, ինչպիսիք են թվային կոնտակտներին հետեւելու հավելվածները եւ արհեստական բանականությունը, որոնք եվրոպական կառավարությունները կիրառում են COVID-19-ի դեմ պայքարելու համար, առանցքային դեր չեն խաղացել համավարակի դեմ պայքարում եւ այժմ սպառնում են նման մոնիթորինգը լայնորեն տարածել, գրում է AP-ն։

Համաձայն AlgorithmWatch շահույթ չհետապնդող հետազոտական խմբի կողմից հրապարակված զեկույցի, որը հետեւում է արհեստական բանականության համակարգերի, առողջության հսկողության տեխնոլոգիաների ազդեցությանը, որոնք եվրոպական շատ երկրներում կիրառվել են անցյալ տարի կորոնավիրուսի համավարակից հետո, հաճախ օգտագործվել են առանց բավարար թափանցիկության, երաշխիքների, կամ ժողովրդավարական բանավեճերի:

Իշխանությունները վիրուսի տարածման դեմ պայքարում ջանք չեն խնայել նոր տեխնոլոգիաներ մշակելու կամ գոյություն ունեցողներն օգտագործելու համար։ Նրանք ստեղծել են կոնտակտների հետագծման թվային հավելվածներ, որպեսզի հետեւեն, թե ով է եղել վարակված մարդկանց կողքին, այնուհետեւ մշակել են պատվաստանյութի անձնագրեր, որպեսզի հաստատեն, որ մարդիկ պատվաստված են COVID-19-ի դեմ: Ոմանք դրոններ եւ սոցիալական հեռավորության կանոնները պահպանելու սարքեր են օգտագործել:

Ըստ կազմակերպության հայտարարության՝ այս համակարգերից շատերն օգտագործում են «որոշումների ավտոմատ կայացման» տեխնոլոգիա, որը COVID-19-ի կողմից առաջացած բարդ սոցիալական խնդիրները վերածում է տեխնոլոգիական խնդիրների, որոնք պահանջում են տեխնիկական լուծումներ:

AlgorithmWatch-ը խոստովանել է, որ տեխնոլոգիաները դեր են խաղացել համավարակի ժամանակ որոշ կյանքեր փրկելու գործում, օրինակ՝ պատվաստանյութերն արդյունավետ բաշխելու համար արհեստական բանականության օգտագործմամբ:

Սակայն զեկույցի հեղինակներն ասում են, որ ամենատագնապալի միտումն այն է, թե ինչպես է համավարակն օգտագործվել «հանրային եւ անձնական առողջությունը ներառող ամենօրյա գործողությունների՝ վերահսկելու, մոնիթորինգի, չափելու եւ կանխատեսելու հետագա ուժեղացման եւ նորմալացման համար»: