ԵՏՄ-ին անդամակցելով Հայաստանի հարկային ոլորտը միայն կշահի. Մհեր Փարվանյան
Հայաստանի՝ ԵՏՄ անդամակցությունից հետո տնտեսությանն առնչվող արդիական հարցերից մեկը «Շրջանառության հարկի մասին» օրենքի ազդեցությունն է: Ըստ տնտեսագետ Մհեր Փարվանյանի՝ ԵՏՄ անդամակցությամբ Հայաստանը մի շարք արտոնություններ ձեռք կբերի դրույքաչափերի հարցում:
«Անդամակցությունը նախատեսում է հարկային դաշտի միասնական օրենքի կիրառում: ՌԴ օրենքի մանրամասն ուսումնասիրությունը ցույց է տալիս, որ մեր պետության համար այն ադեկվատ է: Սրանով մեզ արտոնություններ է տրվում դրույքաչափերի համար, մինչդեռ միևնույն ժամանակ օրենքը խոշոր տուգանքներ է նախատեսում խախտումների համար»,-նշեց տնտեսագետը՝ հավելելով, որ ԵՏՄ անդամակցությունից Հայաստանի հարկային ոլորտը միայն կշահի:
Իսկ տնտեսական գիտությունների թեկնածու Եղիշե Սողոմոնյանը նկատեց, որ այս հարցին պատասխանելու համար նախ պետք է հասկանալ, թե ինչ ենք կորցնելու և ինչ ենք շահելու դաշտում, հետո նոր գնահատական տալ անդամակցությանը: Ըստ բանախոսի՝ պետությունը պետք է ստեղծի համապատասխան մասնագիտական խումբ, որը կուսումնասիրի դաշտը և համապատասխան հաշվետվություն կներկայացնի պետությանը, որից հետո միայն հնարավոր կլինի ասել ավելի շատ օգուտ, թե վնաս կկրի Հայաստանը անդամակցությունից:
Վարդուհի Ստեփանյան