ԱԺ-ի տեսախցիկների «բացահայտումները»
«Իրավունք» թերթը գրում է. «Վերջին ժամանակներս ՀՀ ԱԺ-ի զուգարանների, ավելի ճիշտ, դրանց դիմաց տեղադրված տեսախցիկների թեման հասցրել է մի շարք սկանդալային, բայց հաճախ նաև զավեշտալի իրավիճակներ առաջացնել:
Նման խոսակցություններից մեկն էլ կապվում է ԱԺ աշխատակազմի ղեկավար Հրայր Թովմասյանի անվան հետ: Ըստ մեր աղբյուրների' պրն Թովմասյանը վերջերս նույնիսկ որշել է մի թեթև նկատողություն տալ իր ենթականերից մեկին, ինչ է թե նա հաճախակի է զուգարան մտնում:
Եւ ասում են, որ տվյալ աշխատակցի այդ «չարագործության» փաստը պրն Թովմասյանը բացահայտել է նույն տեսախցիկների օգնությամբ: Դե, պատկերացրեք, եթե հանկարծ զուգարանների ներսում էլ տեսախցիկներ տեղադրվեն, ապա ինչ ուրիշ «դարի հանցագործություններ» կբացահայտի արդարադատության նախկին նախարարը»:
Առավել մանրամասն՝ «Իրավունք» թերթի այսօրվա համարում: