Ուտուշ-խմուշներից հետո հիասթափեցնում եք նրանց. Նիկոլ Փաշինյանի անդրադարձը նոր օրինագծին
«Սահմանամերձ գյուղական համայնքներին արտոնություններ տալու մասին» օրինագծի վերաբերյալ ելույթ ունեցավ «ՀԱԿ» խմբակցության անդամ, ԱԺ պատգամավոր Նիկոլ Փաշինյանը: Նա իր ելույթի սկզբում ասաց, որ պետք է նախ տարբերակում դնել սահմանամերձ և սահմանապահ հասկացությունների միջև:
«Այս օրենքով սահմանվում է, որ այս բնակիչների համար պետք է 50 տոկոսով կրճատվի լույսի, բնական գազի և ջրի վարձավճարները: Սակայն այս բնակիչների պետք է դեռևս վաղուց տրվեր այս արտոնությունները: Ականների և ադրբեջանական կողմից վիրավորված մարդկանց բուժումը պետք է իրականացվի պետական բյուջեի հաշվին: Նույն պատճառով զոհված քաղաքացիների ընտանիքներին պետք է հուղարկավորության համար տրամադրվեր 2 միլիոն դրամ, իսկ ադրբեջանական կողմի գործողությունների արդյունքում անօթևան մնացածներին համապատասխան օժանդակություն: Սա այն մինիմալ պահանջներն էին, որոնք պետք է պետությունը տրամադրեր այս համայնքների բնակիչներին, որպեսզի նրանք զգային, որ պետությունը այնպես կանգնած է նրանց կողքին, ինչպես իրենք են կանգնած հայ-ադրբեջանական սահմանին: Այս ամենը նախնական գնահատականով պետական բյուջեի վրա կնստեր մոտ 2.5 միլիարդ դոլար: Սա պետք է ամրագրվեր օրենքով:
Կառավարությունը ասումը է, որ ինքը շատ մեծ լավություն է անում սահմանապահ համայնքներին, որով նա տեղի կրպակներից չի հավաքելու 2.5 մլրդ դոլարի հարկերը: Փոխարենը լավ կլինի հավաքել այս հարկերը և անվանական կերպով տրամադրել համապատասխան մարդկանց: Եթե հասցեական օգնություն չտրվի սահմանամերձ գյուղերի բնակիչներին, ապա ստացվում է, որ ամառային, հայրենասիրական ուտուշ-խմուշների, սրտաճմլիկ կենացներից հետո քցել, կոտրել, հերձական անգամ արհամարհել սահմանապահ համայնենրի բնակիչներին, ովքեր քնում արթնանում ապրում, իրենց երեխաներին դպրոց են ուղարկում ադրբեջանական սնայպերներին ուղիղ նշանառության ներքո»,-ասաց Նիկոլ Փաշինյանը: