Մարգարի՞տ, թե՞ Մարքրիտ. ԱԺ-ում կրկին խառնաշփոթ է
Մեկնարկեց ԱԺ հինգերորդ գումարման վեցերորդ նստաշրջանի սեպտեմբերի 30-ի նիստը: Այսօր Գալուստ Սահակյանը ստիպված էր մենակ վարել նիստը՝ չունենալով Էդուարդ Շարմազանովի և Հեղինե Նաղդալյանի աջակցությունը: Գալուստ Սահակյանը, որքան էլ որ զարմանալի լինի, այնուամենայնիվ, իր կուսակից խորհրդարանական գործընկերների անունները ներկայացնում է այնպես, ինչպես կամենում է:
Այսօր էլ հերթական «զոհը» Մարգարիտ Եսայանն էր, ում անունը ոչ ավել ոչ պակաս, պարզապես ասաց Մարքրիտ: Այսօր աժիոտաժային վիճակում էր գտնվում նաև ՀՀԿ խմբակցությունը, որը ոչ միայն մեկը մյուսի փոխարեն քվեարկություններ էր իրականացնում, այլև մի պահ խառնվեց, չհասկացավ՝ ինչ հարց է քվեարկության դրվել և այդպես շփոթված մի քանի հանրապետականներ դեմ քվեարկեցին, որի նկատմամբ անտարբեր չմնաց Գալուստ Սահկյանը և հաշվի չառնելով, որ խոսափողը միացված է, միանգամից հարցրեց, թե այդ ինչ «դեմ-եր» են:
Չնայած այս ամենին երեք օրինագիծ դրվեց քվեարկության, որոնք ընդունվեցին ձայների մեծամասնության քվեարկությամբ: Սակայն այս ամենով չավարտվեց, քանի որ դեռևս մեկ օրինագիծ էլ կար քվեարկության համար, որ վերաբերյալ Գալուստ Սահակյանին տեղեկացրեց ԱԺ աշխատակազմի անդամը, որից հետո ԱԺ նախագահը խնդրեց պատգամավորներին չլքել դահլիճը և մնալ քվեարկության: