2 Սեպտեմբեր, 2014 11:20

Օրհնված լինի անկախությունդ, Արցա'խ

2 Սեպտեմբեր, 2014 11:20 Ուղիղ խոսք

23 տարի առաջ ԼՂՀ-ն հռչակեց իր անկախությունը: Այն ժամանակ դեռ ԽՍՀՄ-ը, գոնե ֆորմալ առումով, գոյություն ուներ ու ստացվում է, որ Արցախն ընտրել էր իր անկախությունը հռչակելու ամենապատեհ առիթը: Մի կողմից՝ պետք չէր մնալ փլուզվող կայսրության փլատակների տակ, մյուս կողմից՝ Արցախն ընդհանուր ճանապարհ չուներ տոտալիտար Ադրբեջանի հետ:Շատերն են վիճում՝ արդյո՞ք արդարացված էր ԼՂՀ անկախության որոշումը, թե՞ պետք էր հավատարիմ մնալ Հայաստանի ու Արցախի վերամիավորման գաղափարին:

Ոչ մի խելամիտ մարդ չի կասկածում, որ Արցախը մեր ընդհանուր հայրենիքի մի մասն է, սակայն պետք է հաշվի առնել նաև այն իրողություններն, որ կան աշխարհում:Այս տեսանկյունից ԼՂՀ հռչակումը տեղավովում է ազգերի ինքնորոշման սկզբունքի շրջանակում ու լրիվ ներդաշնակ է համաշխարհային զարգացման համատեքստին:

Այլ խնդիր է, որ ԼՂՀ-ն միջազգայնորեն առայժմ ճանաչված չէ, սակայն կարծում եմ, որ դա ժամանակի խնդիր է. Արցախում մեծացել է անկախության սերունդ, որն ոչ մի պարագայում իր ապագան չի պատկերացնում ավտորիտար Ադրբեջանի կազմում:

Որպեսզի Արցախի անկախությունը լիարժեք իրականություն դառնա, հարկ է ԼՂՀ-ում ձևավորել համակարգ, որի նպատակը մարդկանց ազատությունն է ու անվտանգությունը: Ազատ քաղաքացիները անկախության ու ինքնիշխանության հիմնական երաշխիքն են:

Սուրեն Սուրենյանց. ֆեյսբուք:

Ուղիղ խոսք բաժնում տեղ գտած մտքերն ու տեսակետները հեղինակի սեփականությունն են և կարող են չհամընկնել Operativ.am-ի խմբագրության տեսակետների հետ:

https://www.facebook.com/surenyants/posts/711325902250290

Օրհնված լինի անկախությունդ, Արցա'խ

Այս թեմայով