«ՀՀ սահմանապահ գյուղերի մասին» օրենքի բարեհաջող կիրառումը դուրս կբերի երկիրը տնտեսական ծանր իրավիճակից. Միքայել Մելքումյան

«ՀՀ սահմանապահ գյուղերի մասին» օրենքի նախագծի շուրջ քառյակը 12 կետանոց առաջարկ է ներկայացրել, որը կքննարկվի սեպտեմբերին:

«Մենք առաջարկում ենք արտոնագրեր տրամադրել հողի հարկի և գույքահարկի համար: Պետք է նաև նվազեցնել բիզնեսի համար արտոնագրերի նվազեցում և շրջանառության հարկի կրճատումը»,-այսօր լրագրողների հետ հանդիպման ժամանակ նշեց Ազգային ժողովի «Բարգավաճ Հայաստան» խմբակցության անդամ տնտեսագետ Միքայել Մելքումյանը՝ անդրադառնալով նածախգծում կատարվելիք փոփոխություններին:

Ըստ բանախոսի` սա կնպաստի որպեսզի սահմանային գյուղերը տնտեսական գոտու կարգավիճակ ձեռք բերեն: Բանախոսը հայտնեց այն կարծիքը, որ թեև սահմանային գոտում ներդրումներ կատարելը հեշտ չէ, բայց համապատասխան պայմաններ ստեղծելու դեպքում ներդրումները հնարավոր կդառնան: Այս դեպքում ՀՀ կառավարության խնդիրը պետք է լինի ներդրումների համար պատշաճ միջավայրի ստեղծումը: Ծրագրի իրականացման դեպքում կհաջողվի գտնել արդյունավետ ճանապարհներ, որոնք դուրս կբերեն երկիրը տնտեսական ծանր իրավիճակից:

Վարդուհի Ստեփանյան