Գազը պետք է տնտեսել. Ուկրաինայում տեղեկատվական քարոզարշավ է սկսվել
Ուկրաինայում սկսված էներգետիկ ճգնաժամի կապակցությամբ Ուկրաինայի կառավարությունը, վարչապետ Վլադիմիր Գրոիսմանի գլխավորությամբ սկսել է քարոզարշավ «Էներգետիկայի պահպանումը Ուկրաինայում» վերտառությամբ: Այն բանից հետո, երբ գազի գնի դիմաց Ուկրաինան չի վճարել Ռուսաստանին, Ուկրաինայի կառավարությունը ստիպված է անցնել գազի տնտեսման ռեժիմին:
Այնպես որ, ըստ Ուկրաինայի կառավարության տվյալների` այս պահի դրությամբ լրատվամիջոցների հետ իրականացվում է համագործակցություն, որի նպատակն է հանրության մեջ քարոզել այն, որ ուկրաինացիները իրականացնեն էներգետիկ խնայողություն, որպեսզի տնտեսությանը ծանր հարված չլինի դրա կորուստը:
Քարոզարշավի շրջանակներում գովազդի և տեղեկատվության տրամադրման ձևով կոչ կանեն քաղաքացիներին, ձեռնարկություններին, պետական կառավարման մարմիններին, որպեսզի խնայեն գազը և հնարավորության դեպքում այն փոխարինեն այլ ռեսուրսով, որը մեծ քանակությամբ կա Ուկրաինայում: