на Русском
«Ինտեր Մայամի»-ն հաղթեց, Մեսսին՝ դուբլի հեղին... 
Եթե չկանգնեցնենք այսօրվա միակողմանի հանձնումն... 
Սահմանադրության մեջ ամրագրված մեր համազգային իղձերն այսօր ոտնատակ են արված. Վարդան Պողոսյան
Նա անդրադարձավ նաեւ Սահմանադրության ազգային արժեքներին՝ նշելով.
Սահմանադրության նախաբանը խոսում է մեր համազգային նպատակների եւ իղձերի մասին. այդ համազգային իղձերը այսօր ոտնատակ են արված: Այս մասին NEWS.am-ի հետ զրույցում նշեց Սահմանադրագետ Վարդան Պողոսյանը:
«Այնպես են ոտնատակ արված, որ մեր պետականության գոյությունն է արդեն իսկ վտանգված ու մեծ սպառնալիքի տակ: Սահմանադրության նախաբանը առնվազն երկու համազգային նպատակ է ամրագրել՝ ցեղասպանության ճանաչման հետապնդումը եւ արցախահայության հետ որպես նպատակ վերամիավորումը: Այդ գաղափարները ոտնատակ են արվել:
Տեսեք՝ ինչպիսի կատաղի քարոզչություն է իրականացվում Հայ առաքելական եկեղեցու դեմ, իսկ եկեղեցին, մեր սահմանադրական կարգի հիմունքներով ունի ուրույն, առանձնահատուկ դեր ոչ միայն պատմական, այլեւ ներկա:
Հայաստանի զինանշանի նկարագրությունը հենց Սահմանադրության տեքստում է ամրագրված, եւ եթե այսօր երկրի վարչապետն ասում է, որ Արարատ լեռը Հայաստանի հետ կապ չունի, ես կարող եմ պարզապես ասել, որ այդ խոսքերն արտասանողը Հայաստանի, հայ ժողովրդի ու հայոց պատմության հետ ոչ մի կապ չունի: Դա կարող են ասել մեր թշնամիները, դա ասում է Փաշինյանը, ինչը փաստում է, որ նա դարձել է մեր երկրի համար առաջին թշնամին: Երբ մենք ունենք այսպիսի իրավիճակ, Սահմանադրության պահպանման մասին խոսելը պարզապես ավելորդ է ու ծիծաղելի»,-ասաց Վարդան Պողոսյանը:
Նա հայտարարեց, որ Սահմանադրության օրը ինքը տոն չի համարում, որովհետեւ թղթի վրա տոնվում է մի տոն, որն իրականում գոյություն չունի. «Այն բարձր արժեքները, որոնք Սահմանադրությունը որպես իրավական նորմատիվ փաստաթուղթ, ամրագրել է, դրանցից այլեւս հետք չի մնացել այս երկրում: Հետեւաբար, Սահմանադրության տոնը այս իշխանությունների համար եւս մեկ ծխածածկույթ, շղարշ է՝ թաքցնելու այն ձախողումները, որոնք այս իշխանությունները արձանագրել են իրենց հնգամյա իշխանության տարիներին»,-ընդգծեց սահմանադրագետը:
