Նիկոլն ու իր վարչախումբը Հայաստանը հասցրել են այն օրին, որ նույնիսկ ռեսուրս չունի Հայաստանն ապահովելու. պատգամավոր

Այդ մարդը, որ ասում է` ռեսուրս չունի Արցախի ժողովրդի անվտանգությունն ապահովելու, նույնն է` ասի, որ ռեսուրս չունեն Հայաստանի անվտանգությունն ապահովելու: Այս մասին NEWS.am-ի հետ զրույցում ասաց Արցախի ԱԺ «Արդարություն խմբակցության պատգամավոր Մետաքսե Հակոբյանը` անդրադառնալով ՀՀ ԱԺ Արտաքին հարաբերությունների հանձնաժողովի նախագահ Էդուարդ Աղաջանյանի աղմկահարույց հայտարարությանը:

Նշենք, որ Աղաջանյանն ասել էր, որ 44-օրյա պատերազմի արդյունքում և հետևանքով ՀՀ-ն այլևս չունի հնարավորություն և ռեսուրս՝ ապահովելու Արցախի ժողովրդի իրավունքները, ազատությունները, այդ թվում՝ անվտանգությունը։

«Սա սցենարի շարունակությունն է, սրանք բոլորտը պլանավորված քայլեր են, որը սկսվել է դեռեւս 2018 թվականից, այդ մարդիկ եկամն իշխանության այս ամեն ինչը իրականացնելու համար: Ավելի խորը ընկալող մարդիկ սա տեսնում էին, ցավոք սրտի, պատերազմի միջով անցավ Արցախը, նոր ընկալեց սա: Սա մեզ համար նորություն չի, հասկանալի է, որ հիմա նաեւ Նիկոլն ու իր վարչախումբը Հայաստանը հասցրել են այն օրին, որ Հայաաստանը նույնիսկ չունի ռեսուրս ինքն իրեն ապահովելու: Ինչի այսօր ունե՞ն ռեսուրս, որ Հայաստանի բնակչի ֆիզիկական գոյությունն ապահովեն, ես այլեւս չեմ խոսում հայրենիքը հանձնելու մասին, ու դա պետք է հասկանա Հայաստանի Հանրապետությունում ապրող մեր հայրենակիցը, դա նույնն է, որեւէ տարբերություն չկա: Ժողովրդի անվտանգությունն ապահովում է իշխանությունը, կապ չունի Հայաստան, թե Արցախ, որովհետեւ որպես պետություններ իրենք երբեք առանձին չեն եղել, հիմա այդ մարդը, որ ասում է` ռեսուրս չունի Արցախի ժողովրդի անվտանգությունն ապահովելու, նույնն է` ասի, որ ռեսուրս չունեն Հայաստանի անվտանգությունն ապահովելու: Մենք դա վաղուց ենք հասկացել, պետք է ժողովուրդը դա հասկանա»,- ասաց նա:

Մետաքսե Հակոբյանի խոսքով` Հայաստանի իշխանությունները ստում են` ասելով, որ միջազգային հանրությունը երաշխիքներ կտրամադրի եւ Արցախում էթնիկ զտում տեղի չի ունենա:

«Իրենք ստում են, ինչպես ստել են 44 –օրյա պատերազմի ընթացքում ոչնչացնելով մեր գենոֆոնդը, մի օր ճիշտ բան ասե՞լ են, որ մենք հավատանք իրենց»,- ասաց նա:

Պատգամավորի խոսքով` սուտ են նաեւ իշխանավորների այն պնդումները, որ Արցախը նախկին իշխանություններն են հանձնել:

«Եթե իրենք գիտեին, որ 91 թվականից հանձնված է ու Արցախը մերը չի, բա հարց, այդ ինչու 1998 թվականին Ալիեւը չստորագրեց այդ փաստաթուղթը, ի վերջո դրանով Արցախը դառնում էր իրենը, եւ երկրորդ հարցը. ինչու էր ինքն իրեն այդքան կոտորում եւ 2018 թվականին իրեն սպանում, որ գար իշխանության, բա էսքան պրոբլեմները ինքը մեզնից բոլորից լավ գիտեր, բա ինչի էր ուզում էդ դավաճանի պիտակը իր ճակատին, արդեն կար էլի նախագահ, թող ինքը լիներ դավաճան: Այսինքն` սուտ, կեղծիք եւ դավաճանություն է, տեսնում է, որ ժողովուրդը ցածր կրթական մակարդակ ունի, ասում է` ժողովուրդ, խելոք նստեք տեղներդ, որ չմորթվեք: Ինքը ժողովրդին վախի ու սոցիալական խնդիրների մեջ պահելով, ասում է, որ ժողովրդից ոչ մի բան կախված չէ»,-ասաց նա:

Մետաքսե Հակոբյանի խոսքով` ստեղծված իրավիճակում Արցախի իշխանությունները պետք է դուրս գան եւ կանգնեն ժողովրդի կողքին, հակառակ դեպքում դուրս կգա, որ նրանք Հայաստանի իշխանությունների հետ ձեռք ձեռքի տված հանձնում են Արցախը: