на Русском
Մեր նոր զորամասերից մեկն է. մեծ բարեփոխումներ... 
Կիրանցի դառը օրը. Ավետիք Չալաբյան
Մենք հանդիպել ենք և հանդիպում ենք պահանջելու բոլոր կուսակցությունների ղեկավարների հետ. Խաչիկ Ավետիսյան
Այսօր Ազատության հրապարակում ազատամարտիկների հանրահավաքի ժամանակ փոխգնդապետ Խաչիկ Ավետիսյանն իր ելույթում ասաց. «Սրանք համ պիտի ուտեն, համ գրեն, բայց ոչ մեր արյունը: Սա ընդամենը պահանջների սկիզբն է»:
Ազատամարտիկն ասաց, որ իրենք զրուցել են հայտնի արվեստագետների հետ, թե ինչպիսին պիտի լինի իսկական արվեստը, զրուցել են տնտեսագետների և մի շարք այլ մասնագետների հետ:
«Մենք հանդիպել ենք և հանդիպում ենք պահանջելու բոլոր կուսակցությունների ղեկավարների հետ: Հանդիպումների հիմնական հարցադրումը հետևյալն է` համաձա՞յն են արդյոք մեր կուսակցություններն այստեղ, այս հրապարակում կանգնել իրենց ժողովրդի կողքին' առանց որևէ ակնկալիքների: Հետո նրանք կմասնակցեն արդար ընտրությունների և կստանան այն, ինչին արժանի են»,-հայտարարեց Խաչիկ Ավետիսյանը:
Ազատամարտիկը նշեց նաև, որ Հայաստանում առաջին հերթին պետք է ստեղծել հանդուրժողականության մթնոլորտ:
Հանրահավաքի վերջում փոխգնդապետ Խաչիկ Ավետիսյանն իր խոսքն ուղղեց ժողովրդին. «Հրամանատարների դաշտային խորհրդով որոշել ենք ձեզ հարցնել. դուք կո՞ղմ եք, որ մենք հաջորդ հինգշաբթի օրվանից սկսենք աշխարհազորի կազմավորում: Անկախ տարիքից, անկախ բնակավայրից, անկախ սեռից եկեք սկսենք ժողովրդական աշխարհազոր կազվավորել»:
