на Русском
Տնային կալանք ու 7 մլն դրամ գրավ․ դատարանը որ... 
Երևանում ավտոտնակներ են ապամոնտաժվել (տեսանյո... 
Օրենքով սահմանված մենք այստեղ անելիք չունենք, սա մեր բարի կամքի դրսևորումն է. քաղաքապետը` Արամի փողոցի պատի փլուզման խնդրի մասին
Երևանի քաղաքապետ Հայկ Մարությանը «Ազատություն» ռադիոկայանի facebook-ի ասուլիսի ընթացքում անդրադարձել է մի շարք հարցերի:
«Մենք խոսում ենք, որ Երևան քաղաքում խնդիր է դարձել տեղաշարժվելը: Ես ինֆորմացիա ունեմ, որ պատվիրվել են տասնյակ մեքենաներ, որոնցում սուրճ է վաճառվելու: Տեսել են, որ կարգավորում չկա, հիմա էլ ամբողջ քաղաքը լինելու է կոֆե վաճառող մեքենաներ: Կլինեն կարգավորումներ այս հարցում ևս»:
Հայկ Մարությանը նշել է, որ փողոցների ցուցանակները պետք է թարմացվեն և յուրաքանչյուր փողոց պետք է ունենա համապատասխան ցուցանակ:
Անդրադառնալով Արամի 23-ի պատի փլուզմանը՝ Հայկ Մարությանը նշել է.
«Այս պահին պարոն Հեքեքյանին տրամադրվում է տարածք, որպեսզի «Հայաստանի փոքրիկ երգիչներ»-ը շարունակեն գործել: Գոյություն ունի «Հայաստանի փոքրիկ երգիչներ» ՀՈԱԿ, որը քաղաքապետարանինն է, և գոյություն ունի «Հայաստանի փոքրիկ երգիչներ» ՀԿ-ն, որի նախագահը պարոն Հեքեքյանն է; Շենքը կառուցապատողը համաձայնել է բոլոր պայամաններին, որ պատը ամրացվի: Օրենքով սահմանված մենք այստեղ անելիք չունենք, սա մեր բարի կամքի դրսևորումն է»:
