Եթե մի քիչ մասնագիտական նայենք տեղի ունեցածին պետք է փաստեք, որ բանակցություններ տեղի չունեցան

Հիմա, եթե մի քիչ մասնագիտական նայենք տեղի ունեցածին պետք է փաստեք, որ բանակցություններ տեղի չունեցան:

Առհասարակ իշխանափոխության երկու տարբերակ կա՝
1.Ընտրություններ։
2.Փողոց։ Փողոցն իր հերթին հբաժանվում է հեղաշրջման և հեղափոխության։

Հեղաշրջումը երկրիը մի քանի տարով ետ է գցում (տես՝ Ուկրաինան)։ Մնում է հեղափոխությունը, որը որքան էլ անվանենք թավշյա կարող է դուրս գալ վերահսկողությունից։

Այսօր խոսվեց Մարտի մեկի մասին։ Ի տարբերություն մարտի մեկի այս անգամ երկրի Նախագահը և վարչապետը հանդիպման գնացին։ Հանդիպման գնալը նշանակում է փոխզիջումների գնալ, բայց ընդդիմության լիդերը՝ Նիկոլ Փաշինյանը, խոսեց կտրուկ և որևէ կառուցողական բանավեճի մասին խոսք չգնաց։ Նա այսկերպ փորձեց ժողովրդին պահել փողոցում։

Նիկոլ Փաշինյանը նշում է, որ ցույցը խաղաղ է ընթանում և ոստիկանությունը չի կարող օրենքով ուժ կիրառել։ Կա քաղաքական հոգեբանություն, որը իր մեջ ներառում է մի շարք թեզեր այդ թվում մասսայական հանրահավաքների մասին և երկարատև պայքարների արդյունքը գրեթե միշտ բախումն է եղել։

Ռացիոնալի սահմանն այս պահին անցնելը վտանգավոր է։ Գուցե ինչ-որ պահի 20 ցուցարար, ովքեր այս օրերին գոռացել են ոստիկանը մերն է նյարդային պայքարում տանուլ տան և ոստիկաններից էլ 20 հոգի չդիմանան ու պայքարը վերաճի իրական արյունահեղության։

Իհարեկ որոշողը կողմերն են, բայց ճիշտը բանակցելն է։ Նման կերպ շարունակվելու դեպքում բախումն ամենաիրատեսականն է այս պահին։ Դա նշանակում է նոր 10 տարի, նոր 10 կյանք և ընդդիմությունը կմեղադրի իշխանություններին, իշխանություններն էլ կհիշեցնեն, որ զգուշացրել էին և կառուցողական բանակցություններից ընդդիմությունն է հրաժարվել։

Ժողովուրդը ևս տաս տարով կնստի տանը, իսկ ընդդիմադիրները կրկին կպարտվեն ընտրություններում և 7-9 տոկոս ձայն կհավաքեն, քանի որ մեծ հաշվով ոչինչ չի փոխվի։

Նիկոլ Փաշինյանն արել է գրեթե անհնարինը, մնում է ամբիցիաների հետ կռիվն էլ ավարտի ու ունենանք իրական ընդդիմոթւոյւն, որը երկրիը առաջ կտանի։ Ափսոս կլինի, եթե Փաշինյանը պահը ճիշտ չգնահատի։

Էդգար Խաչատրյան. Ֆեյսբուք: