Քանի շոգը ցրվել է մենք էլ մի քիչ ցրվենք Դարի գողության մասին իմանալով

Քանի շոգը ցրվել է մենք էլ մի քիչ ցրվենք Դարի գողության մասին իմանալով:
Ուրեմն 1918թ-ի օգոստոսի 21-ին անհասկանալի կերպով Լուվրից անհետացավ ոչ ավել ոչ պակաս Լեոնարդո դա Վինչիի «Մոնա Լիզալ» հայտնի նկարը: Անհետացումն ավելի առեղծվածային էր, քան Մոնա Լիզայի ժպիտը ու 2 տարի պահանջվեց գողությունը բացահայտելու համար: Կասկածվում էին բոլորը` շուրջ 100000 մարդ: Ալֆոնս Բերտիլիոնը, ով զբաղվում էր գողության բացահայտմամբ կասկածում էր անգամ Գերմանիայի ու Ֆրանսիայի ղեկավարությանը: Նկարի գողությունն այնքան մեծ աղմուկ բարձրացրեց, որ ոմանք կանխատեսում էին, որ Գերմանիայի ու Ֆրանսիայի միջև շուտով կարող է պատերազմ սկսվել փոխադարձ մեղադրանքների պատճառով: Ամիսներ շարունակ հետախուզվում էին բոլոր հնարավոր կասկածյալները, սակայն անարդյունք: Նկարի գողությունն այնքան անիրական էր, որ ոմանք կատակում էին ասելով, թե այս գողությունից հետո հաջորդը երևի Էյֆելյան աշտարակն է լինելու: Միայն 2 տարի անց վերջապես պարզ դարձավ, թե ով և ինչպես էր գողությունը կատարել: Պարզվեց, որ գողության հեղինակը Վինչենցո Պերուջան էր` Լուվրի սեզոնային աշխատակիցներից մեկը, ումից պահանջվում էր մաքուր պահել նկարի շրջանակը, ապակին: Մի գեղեցիկ օր էլ մեր իտալացի երիտասարդը մաքրելու հետ մեկտեղ նկարը շրջանակից հանում է, դնում բաճկոնի տակ ու գիշերով դուրս գալիս թանգարանից` գնում Իտալիա: Էսպես 2 տարի նկարը թաքցնելուց հետո ինքն է հենց որոշում վերադառնալ Ֆրանսիա ու նկարը վերադարձնել: Խոստովանելով մեղքը` մեր դարի գողության հեղինակը իր ափսոսանքն է հայտնում ու պատմում մանրամասները:

Իսկ հիմա ամենակարևոր 2 փաստը`
1. Իր գողության շնորհիվ շատերը կարողացան Մոնա Լիզայի իբր օրիգինալ նկարի անվան տակ լիքը կեղծ նկարներ վաճառել` համոզելով որ իրենք են նկարի գողը:

2. Մինչև հիմա կասկածներ կան, որ միևնույն է Լուվրում այժմ գտնվում է Մոնա Լիզայի կեղծ նկարը` գողն օրիգինալը կարողացել է վաղուց վաճառել: 

Ասածս ինչ է` մարդիկ Մոնա Լիզայի նկարն են գողանում, իսկ մենք դեռ քննարկում ենք հիմա վաղն էլ է անձրև լինելու, թե ոնց:

Անիկ Մարգարյան.ֆեյսբուք: