10 պատճառ՝ ամուսնությունից չխուսափելու համար
Փորձագետները 10 պատճառ են ասել ամուսնանալու անհրաժեշտության համար: Այս մասին գրում է «Actualnews.org»-ը: Ամուսնության առավելությունների սկիզբը դրվում է հարաբերություններից և միմյանց նկատմամբ խնամքից:
1. Դուք կլինեք առավել առողջ...
ԱՄՆ-ի փորձագետները հետազոտել են 20 տարեկանից բարձր 1.7 հազար մարդու և հայտնաբերել են, որ երջանիկ ամուսնությունը հանգեցրել է վերջիններիս առողջության դրական փոփոխությանը: Զույգերը սկսում են հետևել առավել առողջ ապրելակերպի, ավելի լավ քնում են և ավելի քիչ են անտեսում բժիշկների խորհուրդները:
2. ...և կապրեք ավելի երկար
Մարդիկ, ովքեր ամուսնանում են, ավելի երկար են ապրում: Ինչպես ցույց է տվել հետազոտությունը՝ չամուսնացածների մոտ վաղաժամկետ մահերի հավանականությունը 2 անգամ ավելի է:
3. Ցտեսություն, դեպրեսիա
Նույնիսկ եթե համեմատենք ամուսնացած մարդկանց նրանց հետ, ովքեր պարզապես միասին են ապրում, մեծ տարբերություն կնշենք կլինիկական դեպրեսիայի առաջացման մակարդակում: Տարբերությունը կազմում է նվազագույնը 50 տոկոս: Այս մասին ասվում է 1991 թ.-ին արված հետազոտությունում:
4. ...և ինֆարկտ
Երկու սեռերի ներկայացուցիչների մոտ ամուսնությունում 66 տոկոսով քիչ է սրտի կաթվածի հավանականությունը: 2013 թ.-ի հետազոտությունների արդյունքներով համապատասխան հաշվետվություն են ներկայացրել ֆին գիտնականները: Տուրկուի համալսարանից կազմված թիմը նշել է, որ կողակցի վրա հույսը դնելն օգնում է առավել թեթև տանել ամենատարբեր դժվարությունները:
5. Նվազում է ինսուլտի հավանականությունը (քանի դեռ ձեր ամուսնությունը երջանիկ է)
Անկախ ինսուլտի առաջացման համար նպաստավոր այլ գործոններից՝ ճարպակալում, ծխել, դիաբետ, երջանիկ ամուսնությունը հանգեցնում է ինսուլտի հավանականության մինչև 64 տոկոս նվազման: տեղեկությունը նշվում է 2010 թ.-ին արված հետազոտության մեջ, որն անցկացվել էր Ամերիկյան կարդիոլոգիական ասոցիացիայի կողմից:
6. Բարձրանում է վիրահատությունից հետո ապրելունակությունը
Համապատասխան հետազոտություն է արվել 2011 թ.-ին: Ամուսնությունը սրտի ապրելունակությունը վիրահատությունից հետո բարձրացնում է շուրջ 3 անգամ:
7. Ալկոհոլիզմի նվազ վտանգ
Շվեդ գիտնականներն ընդգծում են, որ ավելի քան 3.2 միլիոն մարդ թույլ են տվել ապացուցել, որ ամուսնությունը նվազեցնում է հարբեցող դառնալու հավանականությունը՝ 60 տոկոսով տղամարդկանց և 70 տոկսով կանանց մոտ:
8. Առավել ամուր ոսկորներ
Ամուսնությունն ամրացնում է ոսկորները հատկապես տղամարդկանց դեպքում: Գիտնականները նման եզրակացության են հանգել 2014 թ.-ին արված հետազոտությամբ:
9. Ամուսնությունը նվազեցնում է հաստ աղիքի քաղցկեղի հավանականությունը
Ամուսնությունը մեծացնում է այս հիվանդության դեպքում ապրելու շանսերը և քաղցկեղի առաջացման հավանականությունը նվազեցնում 37 տոկոսով՝ անկախ սեռական պատկանելիությունից: Այս մասին վկայում է Գուանչժոուի գիտնականների հետազոտությունը:
10. Ձեր քունն առավել ամուր կլինի (եթե ուք իգական սեռի ներկայացուցիչ եք)
Երջանիկ կանանց մոտ քիչ են հանդիպում քնի հետ խնդիրներ, ինչը չենք կարող ասել միայնակ կանանց մասին: Ամերիկյան Պիտսբուրգի համալսարանի փորձագետները քնի որակի և երջանիկ ամուսնության միջև կապ են հայտնաբերել: Դա հատկապես բնորոշ է միջին տարիքի կանանց: