Միջերկրական ծովում 25 ներգաղթյալ է խեղդվել
«Բժիշկներ առանց սահմանների» կազմակերպությունը հայտարարել է, որ Միջերկրական ծովում 25 ներգաղթյալի մարմին է հայտնաբերվել, ովքեր ռետինե նավակում են եղել: Այս մասին գրում է Gazeta.ru-ն:
Նշվում է, որ այդ նավակում գտնվող ևս 107 մարդու հաջողվել է փրկել: Փրկվածնեից 23-ի մոտ քիմիական այրվածքներ են, մյուսները՝ ծանր վնասվածքներ ունեն:
Միգրացիայի հարցով միջազգային կազմակերպության տվյալներով՝ 2016 թվականին ավելի քան 3500 մարդ է անհետացել Հյուսիսային Աֆրիկայից Միջերկրական ծովն անցնելիս:
Ավելի վաղ հաղորդվել էր, որ Միջերկրական ծովում 14 ներգաղթյալ է խեղդվել: