ՆԱՏՕ գլխավոր քարտուղարը մտահոգված է Կալինինգրադում «Իսկանդեր» հրթիռների տեղակայմամբ
ՆԱՏՕ-ի գլխավոր քարտուղար Յենս Ստոլտենբերգը մտահոգություն է հայտնել Կալինինգրադի շրջանում «Իսկանդեր» ռուսական բալիստիկ հրթիռների տեղակայման կապակցությամբ։ Այս մասին հայտնել է «Радио Польша»-ն և հավելել, որ ՆԱՏՕ-ի գլխավոր քարտուղարը հայտարարել է, որ Կալինինգրադում «Իսկանդեր» հրթիռների տեղակայումը ՆԱՏՕ-ի սահմանների մոտ ռուսական ուժերի ամրապնդման հերթական օրինակն է։
«Դա մեզ անկասկած մտահոգում է։ Իհարկե, այդ համակարգերի տեղակայումն անհանգստացրել է մեզ: Մենք նշում ենք այդպիսի գործողությունները՝ Արևմուտքում, Հարավում, Սիրիայում և Թուրքիայի սահմանների մոտ: Մենք պատասխանում ենք նման գործողություններին, սակայն անում ենք դա պատասխանատու ձևով, առանց չափազանցությունների»,- ասել է նա:
ՆԱՏՕ-ի ղեկավարը թվարկել է ՆԱՏՕ-ի պաշտպանունակության ամրապնդման օրինակները։ Նա շեշտել է նաև, որ դաշինքը որոշել է զորքեր ուղարկել արևելյան թև, նաև զարգացնել արագ արձագանքման ուժերը, որոնք ներառում են 30 000 զինվոր։