Ի՞նչ միտումներ ուներ Ադրբեջանում սահամանդրական բարեփոխումների անցկացումը և ի՞նչ ազդեցություն այն կարող է ունենալ ԼՂ-ի հարցի վրա. պարզաբանում է ադրբեջանագետը (տեսանյութ)
Այսօր՝ սեպտեմբերի 30-ին, ադրբեջանագետ Աշոտ Մովսիսյանը խոսեց Ադրբեջանում սահմանադրական բարեփոխումների հանրաքվեի, սպասվելիք իրավիճակի մասին և թե ինչպես կանդրադառնա հանրաքվեն ԼՂՀ հիմնահարցի լուծման վրա:
Աշոտ Մովսիսյանի խոսքով՝ ամռանն Իլհամ Ալիևի նախաձեռնությամբ հրապարակվեց սահմանադրական փոփոխությունների նախագիծ, որը ներկայացվեց երկրի Սահմանադրական դատարանին: Ներկայացվելուց մեկ օր անց, Սահմանադրական դատարանը դրական եզրակացություն տվեց և դրանից մի քանի օր անց Իլհամ Ալիևը նշանակեց սահմանադրական փոփոխությունների հանրաքվե:
«Սահմանադրական փոփոխությունների նախաձեռնությունն Ադրբեջանի հանրության համար անակնկալ էր, քանի որ մինչ սեպտեմբերի 26-ի Սահմանադրությունը, Ալիևին մեծ լիազորություն էր տալիս առկա Սահմանադրությունը և նա իշխանության շարունակականության համար որևէ խնդիր չի տեսնում, բայց այս Սահմանադրությունն ավելի շատ ուղղված է իր հաջորդականությունն ապահովելու համար: Լուրջ վերլուծաբանների կարծիքով՝ դա հենց միտված է իշխանությունը փոխանցելու իր որդուն»,- ասաց Աշոտ Մովսիսյանը:
Նրա պնդմամբ՝ սահմանադրական փոփոխությունները պետք է իրականացվի հանրության, ընդդիմության հետ քննարկումներով, բայց Ադրբեջանում այդ ամենը տեղի չունեցավ:
«Երկրի նախագահը ներկայացրեց մի տեքստ, որը ոչ մի փոփոխության չենթարկվեց: Որևէ ընդիմության առաջարկ չեղավ կամ հանրային ոչ մի քննարկման այն չդրվեց: Երբ սոցիալական ցանցերում հետևում ենք, թե ինչպես է Ադրբեջանում տեղի ունենում ընտրակեղծիքները. դրանք աննախադեպ են»,- նշեց նա:
Անդրադառնալով Ղարաբաղյան հիմնահարցին, թե ինչ ազդեցություն կունենա Ադրբեջանի սահմանադրական փոփոխությունները, նա նշեց, որ չի կարծում, թե ինչ-որ ազդեցություն կարող է ունենալ:
«Իր ներքին լսարանի համար Ալիևն առանց սահմանադրական փոփոխության, իր գիծը, ուղղությունն ունի, որ իր լսարանի համար ինչ-ինչ կետերով ազդում է թե՛ արտաքին աշխարհում, թե՛ իր ներքին քաղաքական դաշտում: Նա ունի իր համար ամուր իշխանություն և Ղարաբաղյան հիմնահարցի համար որևէ քայլի գնալու համար ռիսկային ինչ-որ բան սա չի ստեղծում»,- դիտարկեց ադրբեջանագետը:
Մանրամասները՝ տեսանյութում: