Մանրամասներ ԼՂՀ ՊԲ զորամասերից մեկում սեպտեմբերի 7-ին 19-ամյա ժամկետային զինծառայողի մահվան դեպքից
«Ժողովուրդ»-ը գրում է. «ԼՂՀ պաշտպանական բանակի զորամասերից մեկում սեպտեմբերի 7-ին 19-ամյա ժամկետային զինծառայող Արման Ղանդիլյանի մահվան դեպքից հետո լուրեր տարածվեցին, թե իբր երիտասարդը թյուրիմացության զոհ է դարձել։ Ըստ այդ լուրերի՝ իբր գիշերը, երբ Արման Ղանդիլյանը դիրքին մոտենալիս է եղել, ծառայակիցը նրանից գաղտնաբառ է հարցրել, ինչին նա չի կարողացել պատասխանել, և արդյունքում էլ հերթապահ զինվորը նրա ուղղությամբ կրակահերթ է արձակել։
«Ժողովուրդ» օրաթերթին հաջողվեց այս դեպքի վերաբերյալ որոշ մանրամասներ պարզել։ Մասնավորապես, գործով մեղադրյալ Հայկ Իգորի Սեյրանյանը, որն այդ օրը դիտորդ է եղել, մեղադրվում է այն բանում, որ սեպտեմբերի 7–ին՝ժամը 00:50-ի սահմաններում, կորցրել է աչալրջությունը, չի նկատել, որ Արման Ղանդիլյանը դիրքի դիտակետ տանող խրամատի աջ մասով մոտենում է։ Իսկ երբ նկատել է Ղանդիլյանի գլխի ուրվագիծն, առանց նշանաբառ պահանջելու կրակահերթ է արձակել։ Ինչի արդյունքում էլ Արման Ղանդիլյանը սպանվել է»,-գրում է թերթը։
Մանրամասները՝ «Ժողովուրդ» թերթի այսօրվա համարում։