Յուրաքանչյուր իրեն հարգող և արժանապատվություն ունեցող տղամարդ և կին պետք է մասնագիտություն ունենա
Յուրաքանչյուր իրեն հարգող և արժանապատվություն ունեցող տղամարդ և կին պետք է առնվազն գոնե մեկ մասնագիտություն ունենա։ Կարևոր չէ, թե այդ մասնագիտությունը ճաշարանում աման լվանալն է, օֆիսում մաքրություն անելը, բժշկությունը կամ էլ թե համալսարանի տեսական ֆիզիկայի պրոֆեսորությունը։ Այո՛, կարևոր չէ մասնագիտության տեսակը, այլ՝ կարևոր է, որ մարդը նվիրված լինի իր գործին և վստահ լինի, որ այդ իր գործը իրենից լավ ուրիշ մեկը չի կարող կատարել։
Ահա այդ վստահության զգացումն է, որ մարդու ոտքի տակ դառնում է պինդ հող ու հենարան, և մարդն օգտագործելով այդ հենքը պատրաստվում է թռիչքի կյանքում իրեն բաժին հասած այդ թևերով։
Թող թռիչքի բարձրությունն ընդամենը մեկ միլիմետր լինի, ոչինչ, նրա զավակը հետևլով ծնողի օրինակին, գուցե թե մեկ սանտիմետրով ավելին կանի կյանքում։ Կարևորը կյանքում արժեքավոր լինելն է, իրական արժեք ներկայացնելն իր կատարած օգտակար գործով։
Մարդկության հիմնական դժբախտությունների պատճառը եղել և մնում են անարժեք մարդիկ, ովքեր իրենցից ոչինչ չներկայացնելով պատուհաս են դառնում մարդկանց ու մարդկության գլխին։
Համլետ Աբրահամյան.ֆեյսբուք: