Ավտովթար Սյունիքի մարզում. վիրավորների մեջ է Գիտությունների ազգային ակադեմիայի աշխատակիցը. Shamshyan.com
Shamshyan.com-ը գրում է. հունիսի 29-ին, խոշոր ավտովթար է տեղի ունեցել Սյունիքի մարզում: Ժամը 13:30-ի սահմաններում Աղիտուի զինվորական հոսպիտալից ոստիկանության Գորիսի բաժին ահազանգ է ստացվել, որ ավտովթարի հետևանքով իրենց մոտ են մարմնական վնասվածքներով տեղափոխվել Գորիս քաղաքի բնակիչ, 36-ամյա Ռոբերտ Ավթանդիլովը և Հրազդան քաղաքի բնակիչ, 39-ամյա Արթուր Օհանյանը: Ինչպես հայտնում է ֆոտոլրագրող Գագիկ Շամշյանը, հիվանդանոց է մեկնել ոստիկանության Սիսիանի բաժնի օպերատիվ խումբը` Հայաստանի քննչական կոմիտեի Սյունիքի մարզային քննչական վարչության ավագ քննիչ Արիս Գրիգորյանի գլխավորությամբ:
Պարզվել է որ նույն օրը, ժամը 12:00-ի սահմաններում Ա. Օհանյանը իր վարած ВАЗ 21214 մակնիշի 11 ՏՍ 381 համարանիշի ավտոմեքենայով Երևան-Մեղրի ավտոճանապարհի 211-րդ կմ հատվածում դուրս է եկել հանդիպակաց երթևեկելի գոտի և բախվել Ռոբերտ Ավթանդիլովի վարած Mercedes մակնիշի 29 ՕՏ 504 համարանիշի ավտոմեքենային, ինչի հետևանքով վարորդները տեղափոխվել են զինվորական հոսպիտալ, իսկ Mercedes-ի ուղևորներ` Սիսիան քաղաքի բնակիչ, 50-ամյա Գևորգ Ստեփանյանը և Արարատի մարզի Նշավան գյուղի բնակիչ, 22-ամյա Քնար Ստեփանյանը մարմնական վնասվածքներով տեղափոխվել են Գորիսի բժշկական կենտրոն:
Մանրամասները՝ այստեղ: